Kwamamaza

Mu kwezi kumwe gusa, mu Rwanda abakoresha telefoni ngendanwa bagabanutseho 1.5%

Yanditswe kuya 3-11-2016 saa 13:47' na Jean Pierre Tuyisenge


Ikigo cy’igihugu gishinzwe kugenzura imirimo imwe n’imwe ifitiye igihugu akamaro RURA, gitangaza ko umubare w’abakoresha telefoni ngendanwa wagabanutse kugera kuri 78.6% mu kwezi kwa cyenda (Nzeri) uvuye kuri 80% muri Kanama ndetse n’umubare w’abazitunze waragabanutse uva kuri miliyoni 8.990 muri Kanama ugera kuri Miliyoni 8.853 muri Nzeri.

Muri rusange, igabanyuka ry’abazikoresha telefone zigendanwa ryageze kuri 1.5% muri Nzeri. Umubare munini w’abafatabuguzi wabayeho muri Nyakanga aho bageze kuri Miliyoni 9.025. Abiyandikishije kuri serivisi yo kwishyurwa ibigo by’itumanaho nyuma, bariyongereye bava ku 105,756 muri Kanama, bagera kuri 111,399 mu mpera za Nzeri 2016.

Umubare w’Abafatabuguzi basanzwe, na wo waragabanutse uva kuri miliyoni 8 884 784 muri Kanama, ugera kuri miliyoni 8741902 muri Nzeri.

Iki kigo gikomeza gitangaza ko Sosiyete y’itumanaho ya Airtel ariyo yatakaje abakiliya benshi mu kwezi kwa Nzeri, aho bagera ku 140,790 byatumye bagera ku bafatabuguzi miliyoni 1.581 bavuye kuri miliyoni 1.772 bariho muri Kanama, bingana na 8.2%.

MTN Rwanda nayo yatakaje abakiliya 5,687 mu kwezi kwa Nzeri, bava ku bafatabuguzi miliyoni 4.099 bagera kuri 4.093. Ku rundi ruhande, Tigo yo yungutse abakiliya bashya 9,238 kuko yagize abafatabuguzi miliyoni 3.178 bavuye kuri 3.169 yari ifite muri Kanama 2016.

Sunny Ntayombya, Umukozi ushinzwe ibikorwa by’itumanaho n’imibanire y’inzego muri Tigo, yabwiye The New Times ko kwiyongera k’umubare w’abakiliya mu kwezi kwa Kanama na Nzeri byatewe na serivisi batanze zishingiye ku byifuzo by’abakiliya, ndetse n’izindi gahunda zashyizweho.

Ntayombya yavuze ko bateganya ko umubare uzarushaho kuzamuka, bitewe na Poromosiyo isoza umwaka ya Ba Miliyoneri yatangiye mu kwezi gushize, igamije guhemba abakiliya, ku bufatanye bakomeje kuyigaragariza.

Mu kwezi kumwe gusa abakoresha telefoni ngendanwa bagabanyutseho 1.5%

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved