Kwamamaza

Abahinzi ibihumbi 250 bagiye guhabwa inguzanyo hifashishijwe telefoni zigendanwa

Yanditswe kuya 29-09-2016 saa 20:09' na Mukaneza M.Ange


Ikigo cy’imari iciriritse, Atlantis Microfinance Ltd kiratangaza ko kigiye gutangira guha inguzanyo abahinzi bagera ku bihumbi 250, hifashishijwe ikoranabuhangarya e-Muhinzi ribitse amakuru arebana nabo yose.

Ibi byatangajwe kuri uyu wa 29 Nzeri 2016, mu muhango wo gusinya amasezerano y’ubufatanye hagati ya Atlantis n’ikigo Agritech yakoze porogaramu ya e-Muhinzi.

Umuyobozi mukuru w’agateganyo wa Atlantis, Alfred Ndayisaba yavuze ko bifashishije iri koranabuhanga rya e-Muhinzi, bakusanyije amakuru arebana n’abahinzi ibihumbi 250 batuye mu turere 15 tw’igihugu.

Ati” Abahinzi ntabwo twari kubaha inguzanyo cyangwa izindi serivisi tutazi aho baherereye.Niyo mpamvu twafatanyije na Agritech kubera ko bafite ikoranabuhanga rikoresha telefoni igendanwa. Bariya bahinzi bose turabafite, tuzi umwirondoro wabo, tuzi isambu bahinga, ibyo bahinga, ndetse n’umusaruro wabo igihe bawugurishiriza.”

Yakomeje avuga ko nyuma yo gukusanya aya makuru, bafashe umwanzuro wo kuyabyaza umusaruro, aho abahinzi bazajya basaba inguzanyo bakoresheje telefoni zabo zigendanwa.

Yagize ati” Hamwe n’iri koranabuhanga, umuhinzi ashobora gusaba inguzanyo kuri telefoni, akatwandikira abisaba tugahita tubibona. Nyuma turamwegera kuko niyo ntambwe ya mbere cyangwa se akegera uduhagarariye(agent) akamuha ibyangombwa bisabwa.”

Umuyobozi w’ishami rishinzwe gutanga inguzanyo muri Atlantis, Karambizi Patrick yavuze ko iri koranabuhanga rije gukemura ibibazo byo gusiragira abahinzi bakundaga guhura na byo mu gihe basaba inguzanyo.

Yakomeje avuga ko rizajya rituma basubiriza igihe umuhinzi watse inguzanyo kuko amakuru yose amwerekeye bazajya baba bayafite ndetse bo ubwabo nka Atlantis bakaba bashobora no kumwegera bakamubwira kobashobora kumuguriza agakora ubuhinzi bwe.

Karambizi yakomeje avuga ko bateganya gukomeza gukusanya amakuru y’abandi bahinzi ku buryo bagera kuri miliyoni imwe byibura, ndetse n’abatarabaruwe bakaba bemerewe gusaba inguzanyo nubwo batazajya bazibona mu gihe gito.

Umuyobozi ushinzwe iterambere muri Agritech, Claudius Kurtina yavuze ko iri koranabuhanga rya e-Muhinzi, rishobora gukoreshwa n’abahinzi bafite telefoni za Smartphone cyangwa izisanzwe bandika *980#, igisubizo bakaza kucyohererezwa hakoreshejwe ubutumwa bugufi kandi nta mafaranga baciwe.

Yakomejeavugakokandiuretsekubaizafashaabahinzikwakainguzanyo muri Atlantis, izatumaabahinzibabasha no kumenyaamakuruatandukanyearimoigihecy’ihinga, ahobashoborakugurishaumusarurawabondetseikabaishobora no gukoreshwan’ibindibigoby’imarin’amabanki.

Ubuyobozi bwa Atlantis buvuga ko mu gutanga inguzanyo batirengagiza ko abahinzi bashobora gutuma bahura n’ibibazo bishobora gutuma batishyura neza, bityo aho kwihutira kugurisha ingwate bakaba babafasha kubona ikoranabuhanga ryo kuhira ndetse no gushaka ubwishingizi.

Kugeza ubu imaze gutanga inguzanyo zingana na miliyoni 549.3 zirimo iz’ubuhinzi no kugura ibikoresho byo kuhira zahawe koperative umunani ndetse n’abantu ku giti cyabo babiri.

Antlantis Microfinance Ltd yemerewe gukora na Banki Nkuru y’u Rwanda ku itariki ya 15 Nzeri 2014, ikaba yarashinzwe nyuma y’igurwa rya Al-Halal MFI. Izatangizwa ku mugaragaro ku itariki ya 30 Nzeri 2016.

Isanzwe izwiho gukoresha ikoranabuhanga aho umuntu afunguza konti akoresheje telefoni ndetse akaba yakwaka n’inguzanyo.

Ndayisaba na Kurtina nyuma yo gusinya amasezerano y'ubufatanye hagati ya Atlantis na Agritech
Umuyobozi Mukuru w'Agateganyo wa Atlantis Alfred Ndayisaba

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved