Kwamamaza

Maroc yafunguye WhatsApp na Skype nyuma y’amezi atandatu bihagaritswe

Yanditswe kuya 6-11-2016 saa 16:17' na Rabbi Malo Umucunguzi


Itumanaho ryifashisha internet kuri telefoni ririmo WhatsApp, Skype, Google duo n’izindi porogaramu zinyuranye zikoreshwa amajwi n’amashusho, zasubijwe ku murongo nyuma y’amezi atandatu zikuweho n’ikigo gishinzwe kugenzura itumanaho mu bwami bwa Maroc.

RFI yatangaje ko byari byarahagaritswe ku mpamvu z’uko ubu buryo bukoreshwa ku buntu bwari bwamaze kubangamira imikorere y’uburyo busanzwe bw’itumanaho muri Maroc.

Iri tumanaho rifunguwe muri iki gihugu mu gihe kuri uyu wa Mbere i Marrakech hatangira inama mpuzamahanga yo kurwanya ihindagurika ry’ikirere izwi nka COP22, itangira kuri uyu wa 7 ikazarangira kuwa 18 Ugushyingo 2016.

Ni umwanzuro washimishije benshi, aho nk’uwitwa Hicham yagize ati ‘‘Nkoresha Skype mvugana n’umuryango wanjye mu Bufaransa. Twari dufite ibibazo ariko ubu bimeze neza.’’

Uwitwa Selma yavuze ko ifungwa ry’ubu buryo bw’itumanaho ryagize ingaruka kuri gahunda zitandukanye zirimo guhamagarana no gutumanaho by’umwihariko.

Gufungura ubu buryo bwifashisha internet, ni inyungu kuri miliyoni 16 z’Abanya-Maroc ziyikoresha, aho umuturage umwe muri babiri aba akoresha internet.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved