Kwamamaza

Inzozi za Uwimpaye washinze iguriro kuri internet zabaye impamo

Yanditswe kuya 7-09-2016 saa 16:57' na Tombola Felicie


Nubwo guhahira kuri internet bigifatwa nk’aho ari by’abanyamahanga harimo abanyarwanda bagenda basobanukirwa akamaro kabyo ndetse bakayoboka ubu buryo.

Iyo uguriye kuri internet icyo uguze gituruka ku ruganda cyangwa ku gihagarariye mu gihugu bityo ukaba wizeye neza ubwiza bwacyo.

Uwimpaye Yvette wize iby’ubukungu muri Kaminuza Nkuru y’u Rwanda avuga ko atewe ishema no kuba abantu baritabiriye ihariro yashinze kuri internet by’umwihariko abagore.

Ajya gutangiza urubuga rwo guhahiraho kuri internet rwitwa murukali.com, Uwimpaye yari agamije kuzana ikoranabuhanga mu bucuruzi abantu bakareka guhaha bya gakondo aho ugenda ubaza igicuruzwa wakibura ukajya ahandi mu gihe uramutse ufite internet yatuma uhaha utavuye aho uri.

Mu kiganiro yagiranye na IGIHE ku bijyanye n’uburyo abantu bitabira guhahira kuri internet, Uwimpaye yatangaje ko umwaka ugiye gushira akora ubucuruzi bwo kuri internet kandi inzozi ze zigenda zisohora kuko abantu babyitabira cyane cyane abagore nubwo urugendo rukiri rurerure.

Ati “Nterwa ishema no kuba abagore aribo benshi bitabira iyi gahunda yo guhaha bakoresheje internet, bakareba ku rubuga rwacu bagahaha ibyo bakeneye natwe tukabibagezaho batavunitse ndetse birinda no kugenda bagura ibyo badafite muri gahunda mu rwego rwo gukoresha amafaranga yabo neza.”

“Birazwiko abagore bajya bagura ibyo batateganyije bitewe n’uko bahuye nabyo iyo rero badutumye bakoresheje urubuga rwacu bibarinda kuba bakoresha amafaranga yabo ibyo batari bateganyije kandi bagakoresha umwanya wabo neza.”

Avuga ko nko mu bantu 100 bakira ku kwezi 70 % aba ari abagore kuko basanze babagezaho ibintu by’umwimerere kandi bidahenze akarusho bakaba babibagezaho ku gihe bumvikanye.

Ngo ikindi abona gituma abagore bitabira cyane iri guriro nuko nk’abantu baba bakunze gutegura amafunguro mbere yo kugura ikintu runaka babanza bakabona akamaro k’ikiribwa bagiye guhaha ku buzima bwabo ku rubuga murukali.com.

Avuga ko nubwo umubare w’abo bakira mu kwezi bakabaye aribo bakira ku munsi umwe adateze gucika intege kuko akora ibintu akunda kandi ko iyo abagore batangiye kumva ubwiza bw’ikintu impinduka iba igiye kuboneka.

Ati “Ntabwo nacika intege kuko intego yanjye ni ugufasha abanyarwanda kubyaza umusaruro ikoranabunaga no gufasha abanyamahanga baza mu gihugu bakabona ahantu bashobora gusanga ibintu bitandukanye bakenera.Mfite inzozi zo kuzana impinduka muri sosiyete nyarwarwanda nkoresheje ikoranabuhanga,tukarushaho gufasha no koroshya ubuzima tubayemo bwa buri munsi.

Nubwo ku rubuga murukali.com uhasanga ibintu bitandukanye nk’ibiribwa, ibinyobwa , ibikoresho byo mu rugo n’ibindi byinshi ngo ibikunzwe cyane ni iby’abana bakenera nk’amata kuko usanga abantu benshi batinya ko bahabwa atujuje ubuziranenge akabagiraho ingaruka.

Yifuza kuzatanga akazi ku banyagataro ndetse n’urubyiruko bakajyana n’ikoranabuhanga

Uwimpaye yavuze ko igihe abantu bazaba bitabira guhaha bakoresheje internet ngo bizatanga akazi ku bagore bakora ubucuruzi bwo ku gataro ndetse n’urubyiruko kuko bazahabwa akazi akaba aribo bazajya bategura ibyo abakiriya batumije ku rubuga murukali.com noneho urubyiruko rufite imbaraga rugakora akazi ko kugeza ibyo bintu ku babitumije.

Ati“Igihe tuzaba dufite umubare mwinshi w’abakiriya tuzarushaho kunoza serivisi ndetse tugabanye n’igihe bimara kugira ngo bibagereho, kuri ubu uhahiye kuri internet bimugeraho mu gihe kitarenze amasaha atatu,ntekereza ko bibaye mu isaha imwe abantu barushaho kubyishimira.”

Uko guhahira kuri murukali.com bikorwa

Iyo ufite internet usura urubuga www.murukali.com ,bwaba ari ubwa mbere wifuza guhaha urabanza ukiyandikisha, warangiza ugafungura konti yawe, ubundi ugakomeza ugahaha ukurikije amabwiriza.

Umuntu ashobora kwishyura ukoresheje mobile money, Bank transfer cyangwa akishyura ibyo yasabye bimugezeho.

Uwimpaye Yvette(Iburyo) washinze iguriro kuri internet, murukali.com

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved