Kwamamaza

Abantu miliyoni 500 bakoresha urubuga rwa Yahoo binjiriwe mu mabanga

Yanditswe kuya 23-09-2016 saa 10:34' na Jean Pierre Tuyisenge


Urubuga rwa Yahoo abantu benshi bakunze gukoresha bohererezanya ubutumwa mu buryo bwa Email ndetse no gushakaho amakuru atandukanye, rwatangaje ko abantu barukoresha bagera kuri miliyoni 500 binjiriwe mu mabanga guhera mu mwaka wa 2014.

Yahoo itangaza ko ba rushimusi (Hackers) babashije kwinjira mu mabanga y’abayikoresha arimo amazina, emails,ibibazo n’ibisubizo by’ibanga, nimero za telefone n’ibindi.

Yahoo kandi ikeka ko ibi byose bishobora kuba byarakozwe na bimwe mu bihugu bafitanye ubufanye, gusa birinze kugira ibyo batunga urutoki ko byaba byihishe inyuma y’ibi bikorwa.

Iby’uko iyi sosiyete yaba yarinjiriwe n’abo bajura, ngo byatangiye gusa n’ibimenyekana nyuma y’uko muri Kanama havumbuwe umujura wiswe ’Peace’ wageragezaga kugurisha amakuru ku bantu miliyoni 200 bakoresha urubuga rwa Yahoo.

Yahoo itangaza ko uku kwinjirirwa mu mabanga ari ko gukomeye kubayeho ugereranyije n’ibindi bikorwa nk’ibi byigeze kubaho.

Yagiriye inama abakiriya bayo guhindura imibare yabo y’ibanga ku batarabikora kuva mu mwaka wa 2004.

BBC dukesha iyi nkuru ivuga ko umwe mu bayobozi b’urwego rushinzwe iperereza muri Amerika yatangaje ko bakeka ko icyo gitero gifite igihugu kikihishe inyuma kuko ngo kimeze nk’icyagabwe gishyigikiwe n’inzego z’iperereza z’Abarusiya mu mwaka wa 2014.

Yahoo yashinzwe na Jerry Yang na David Filo mu mwaka wa 1994 itangira gukora ubucuruzi kuri internet, gufasha abantu kohererezanya ubutumwa, gutangaza amakuru n’ibindi.

Yahoo itangaza ko mu mwaka ushize yahuye n’igihombo cya Miliyari 4.4 z’amadorali ya Amerika.

Ku wa 25 Nyakanga 2016, Yahoo yagurishijwe ku ikompanyi ikomeye y’abanyamerika yitwa Verizon kuri miliyari 4.8 z’amadolari ya Amerika.

Verzion ikaba itangaza ko abasaga miliyari basura uru rubuga ku kwezi, bityo ikaba iteganya ko izajya yifashisha aba bantu mu bikorwa byayo byo kwamamaza ibikorwa byayo.

Sosiyete ya Yahoo ivuga ko abakiriya bayo miliyoni 500 binjiriwe mu makuru yabo y'ibanga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved