Abakoresha internet mu Rwanda bageze kuri 46.4%

Yanditswe na Akayezu Jean de Dieu
Kuya 8 Ukwakira 2018 saa 08:42
Yasuwe :
0 0

Umubare w’abakoresha internet mu Rwanda wiyongereyeho miliyoni 1.1 hagati ya 2017-2018, abayikoresha mu gihugu nabo bagera kuri 46.4% kugeza muri Kamena uyu mwaka.

Imibare mishya yatangajwe n’Urwego ngenzuramikorere (RURA), yagaragaje ko hagati ya 2017-2018, umubare w’abafashe ifatabuguzi rya interineti kugeza muri Kamena 2017 bari 4.375.016, muri Kamena 2018 bagera kuri 5,475,448.

Ni ukuvuga ko abakoresha interineti biyongereye ku kigero cya 25%.

Abakoresha telephone ngendanwa nabo bavuye kuri 8,819,217 bagera kuri 9,226,721, biyongera ku kigereranyo cya 4.6%.

Umwaka ushize w’ingengo y’imari warangiye abanyarwanda bangana na 78.1% bose bafite tefefoni ngendanwa, bavuye kuri 76.5% babarwaga mu mwaka wabanje.

Raporo ya RURA ivuga ko uku kuzamuka guterwa n’igiciro kigenda kigabanuka kuri telefoni zigezweho n’ibiciro bya Internet, nayo ikaba yariyongereye umuvuduko uva kuri 20,582 Mbps ugera kuri 49,074 Mbps, ukuzamuka ku kigero cya 138,4%.

Nyuma yo kwihuza kw’ibigo bibiri by’itumanaho, Tigo Rwanda na Airtel Rwanda, muri Kamena 2018 kugeza n’ubu, isoko ry’itumanaho rya telefoni igendanwa mu Rwanda ririho ibigo bibiri gusa.

Hari kandi ibigo bitanu bitanga Internet n’ibigo 27 biyicuruza.

Abakoresha internet mu Rwanda bakomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza