Umugore yatwitswe na ‘écouteurs’ yangirika isura ku buryo bukomeye

Yanditswe na Umwali Zhuri
Kuya 15 Werurwe 2017 saa 08:55
Yasuwe :
0 0

Abayobozi muri Australia baburiye abantu ku ikoreshwa ry’ibyuma by’ikoranabuhanga bikenera batterie mu gihe bari mu ngendo z’indege nyuma yaho ‘écouteurs’ z’umugore umwe zifashwe n’umuriro zikamwangiza mu isura.

Uwo mugore ni umwe mu bari mu rugendo ruva i Beijing rujya i Melbourne muri Australia aza gukangurwa n’urusaku rwa ‘écouteurs’ ubwo zari zituritse. Yabwiye ikigo gishinzwe iby’ingendo muri Australia (ATSB) ko yari asinziriye ari kumva indirimbo mu gihe cy’amasaha agera ari abiri nyuma aza kumva zituritse.

Ati “Ubwo nari mpindukiye, numvise ubushye mu isura yanjye. Narahindukiye biza gutuma ‘écouteurs’ zigwa ku ijosi.”

Uyu mugore utaratangajwe amazina yavuze ko nyuma yo kubona ko zatangiuye gushya, yahise azikuramo akazijugunya hasi ndetse akabona zitangiye gutanga ibishashi bike.

Ngo yahise atangira kuzikandagira ashaka kuzizimya, abandi bagenzi nabo bazana ibiringiti bari bifubitse babimenaho amazi batangira gushaka uko bazizimya. Abantu bose mu ndege ngo baratunguwe bibaza kuri ibi byari bimaze kuba.

Mu itangazo ATSB yashyize ahagaragara, yavuze ko bishoboka ko batterie yari imbere muri ‘écouteurs’ ariyo yahiye aho kuba zo ubwazo. Umuvugizi w’ ikigo gishinzwe iby’ingendo muri Australia yakomeje avuga ko ibi byabaye tariki ya 19 Gashyantare gusa yanze kuvuga ubwoko bw’izi ‘écouteurs’ n’ikigo cyazikoze.

Uyu mugore yangiritse mu isura ku buryo bukomeye
Mu minsi ishize, telefoni zo mu bwoko bwa Galaxy Note 7 zavuzweho kugira ibibazo bya ‘Batterie’ zigaturika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza