Kwamamaza

Nyuma yo guhindura izina, Snapchat ishyize ku isoko amadarubindi afata videos

Yanditswe kuya 27-09-2016 saa 10:26' na Jean Pierre Tuyisenge


Sosiyete ifite Urubuga nkoranyambaga ruzwi nka Snapchat yashyize hanze amadarubindi akora amashusho (Video) nyuma yo guhindura izina ikitwa Snap Inc.

Iyo umuntu akanze ku kabuto (Button) kabigenewe, ngo ayo madarubindi ashobora gufata video y’amasegonda 10, nyuma igahita yishyira ku rubuga rwa Internet rwa Snapchat hakoreshejewe Wi-Fi nk’uko iyo sosiyete yabitangarije cbsnews.

Iyo Kompanyi yavuzeko yahinduye izina kuko ngo mubyo bateganya gukora harimo guhanga ibintu bishya, gusa itangaza ko ’Application’ yayo izakomeza kwitwa Snapchat.

Iyi video amadarubindi afata bayise ’Circular Video’ kuko ngo ibasha gukinika yuzuye ’Screen’ ku bindi bikoresho yakinirwaho. Mu nkuru iri ku rubuga rw’iyi sosiyete rwa new Snap.com handitse ko arenze kuba amadarubindi ahubwo ko ari “ubundi bwoko bushya bwa Camera.”

Bagize bati “ Twakoze aga camera gato gakoresha internet kambere ku Isi, gafite ubushobozi bwo gufata video twagashyize mu madarubindi. Tekereza ibihe byawe byiza wagize udashobora kwibagirwa, wabigenza ute iyaba washoboraga kubisubiza inyuma ukareba uko byakugendekeye”.

Ayo madarubundi uyakoresha ashobora kuyahuza na ’Application’ ya Snapchat akoresheje Bluetooth cyangwa Wi-Fi aka-video kagahita kishyira kuri Internet ako kanya.

Nubwo nta tariki yatangajwe ayo madarubindi azatangirira kugurishirizwaho, ngo biratangira vuba muri Leta Zunze Ubumwe z’Amerika kandi ngo azajya agura amadolari 130 nk’uko iyo nkuru ikomeza ibitangaza.

Nubwo kandi Snap Inc ivuga ko yatangije buno buryo, mu mwaka wa 2015 sosiyete ya Google yashyize hanze amadarubindi yise Google Glass, gusa ngo hari byinshi yaburaga cyane ko ngo yafataga amashusho n’amafoto adafite amabara meza. Ayo ngo agura amadolari 1,500.

Snapchat ivuga ko ishaka ko abayikoresha bajya basangiza amavideo biboroheye, kuko Instagram mu kwezi gushize yatangije icyo yise Instagram Stories. Ni uburyo ukoresha uru rubuga abasha gushyiraho amafoto n’amavideo menshi bimara amasaha 24 gusa bikikuraho.

Amadarubindi abasha gufata video

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved