Kwamamaza

Minisitiri Mushikiwabo yasuye uruganda rwakorewemo ‘Drones’ z’u Rwanda

Yanditswe kuya 25-09-2016 saa 08:27' na Philbert Hagengimana


Minisitiri w’Ububanyi n’Amahanga, Louise Mushikiwabo, yasuye uruganda rukora indege zitagira abapilote zizwi nka ‘Drones’, ari na rwo rwakorewemo iz’u Rwanda, anatangaza igihe zizatangirira gukoreshwa.

Mbere gato y’umunsi ngarukamwaka wahariwe ibikorwa by’ubudasa ‘Rwanda Cultural Day’, Minisitiri Louise Mushikiwabo ari kumwe na Minisitiri w’Urubyiruko n’Ikoranabuhanga mu isakazabumenyi, Jean Philbert Nsengimana, basuye Zipline, uruganda rwakorewemo indege zitagira abapilote (Drones) z’u Rwanda.

Nyuma yo gutambagizwa urwo ruganda no gusobanurirwa imikorere yarwo, Minisitiri Mushikiwabo yaboneyeho gutangaza bundi bushya ko mu Rwanda zizatangira gukoreshwa mu kwezi gutaha k’Ukwakira, anasobanura ibikorwa zizakoreshwamo.

Nk’uko bigaragara kuri Twitter ya Minisiteri y’Ububanyi n’Amahanga n’Ubutwererane, Minisitiri Mushikiwabo yavuze ko “ku bufatanye bwa Leta y’u Rwanda n’Uruganda Zipline, ‘Drones’ zizatangira gukoreshwa mu kwezi k’Ukwakira 2016, aho zizajya zigeza amaraso aterwa abarwayi mu bitaro 20 n’ibigo nderabuzima.”

Muri urwo ruganda ruherereye mu Mujyi wa San Francisco, wabereyemo ‘Rwanda Cultural Day’, ni na ho Minisitiri Mushikiwabo yanatangarije ko iryo koranabuhanga rya Drones za Zipline, rizafasha miliyoni z’abanyarwanda kubona serivisi z’ubuzima mu buryo bwihuse.

Ku wa 09 Mutarama 2016, ni bwo mu izina rya Leta y’u Rwanda, Minisitiri, Jean Philbert Nsengimana yashyize umukono ku masezerano na Keller Rinaudo, umuyobozi wa sosiyete Zipline Inc. yo kuzana Drones.

Umushinga w’Abongereza Foster+ Partners na wo wemereye u Rwanda ubufatanye mu kubaka ikibuga, izo ndege nto zizagwaho(Station airport), ndetse imirimo yo kubaka icyo kibuga yari irimbanije.

Icyo kibuga kiri kubakwa i Muhanga ni icya mbere ku Isi, ikoreshwa ryacyo rizatuma hashyirwaho amategeko azajya akurikizwa n’ahandi kuko nta na hamwe ku Isi arakorwa.

Biteganyijwe ko drones zizajya ziba i Muhanga kuko atari byiza ko ziba hafi y’ikibuga cy’indege zisanzwe.

Izo Drones zifite ubushobozi bwo gukora urugendo rungana n’ibirometero 150 kandi zigenda mu kirere icyo ari cyo cyose kimwe n’izindi ndege.

Imwe ifite ubushobozi bwo gutwara ikiro kimwe n’igice cy’amaraso, ni ukuvuga amasashe atatu y’amaraso mu gihe gito ugeranyije n’uburyo byakorwagamo, dore ko ahantu imodoka ikoresha amasaha ane, Drones ihakoresha iminota 15 gusa.

Minisitiri Louise Mushikiwabo ari kumwe na Minisitiri w’Urubyiruko n’Ikoranabuhanga mu isakazabumenyi, Jean Philbert Nsengimana, basuye Zipline, uruganda rwakorewemo indege zitagira abapilote (Drones) z’u Rwanda
Minisitiri Louise Mushikiwabo ari kumwe na Minisitiri w’Urubyiruko n’Ikoranabuhanga mu isakazabumenyi, Jean Philbert Nsengimana, batambagijwe mu ruganda rukora Drone basobanurirwa n'imikorere yarwo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved