California: Uruganda rwa Apple rwahawe uburenganzira bwo kugeragereza imodoka zitwara

Yanditswe na Ishimwe Daniel
Kuya 19 Mata 2017 saa 12:06
Yasuwe :
0 0

Uruganda rwa Apple rugiye gutangira gukora igerageza ry’imodoka zitwara nyuma yo kubihererwa uburenganzira muri leta ya California, imwe mu zigize Leta Zunze Ubumwe za Amerika.

Ikoranabuhanga rigezweho ryo gukora imodoka zitwara riri kwigwaho n’isibaniro ry’ibigo bikomeye na Apple ikaba idashaka gusigara inyuma.

Apple ntiyigeze itangaza ko iri gukora imodoka zikoresha ingufu z’amashanyarazi, ariko ikaba itarasibye guha akazi inzobere nyinshi mu byo gukora imodoka zitwara mu myaka yashize, uruhushya yahawe rwo kugerageza rurekana ko iteganya gukora izi modoka.

Uwahoze ari Umuyobozi w’uruganda rukora imodoka rwitwa Fold rwo muri Amerika, Chris Theodore yagize ati “Iki ni igihamya ko ibihuha bimaze iminsi bicicikana ko Apple iri kwiga ku gitekerezo cyo kwinjira mu ruhando rw’abakora imodoka byaba bifite ishingiro.”

Umuvugizi wa Apple yirinze kugira icyo atangaza ariko umuyobozi ushinze ibicuruzwa muri iki kigo, Steve Kenner yabwiye ubuyobozi bw’ikigo cy’igihugu cyo muri Amerika gishinzwe umutekano wo mu muhanda mu Ugushyingo 2016 ko Apple iri gushora bikomeye mu bigendanye n’inyigo z’imashini n’ibinyabiziga, kandi ishishikajwe na za ‘systems’ z’ibinyabiziga cyane cyane ibikora mu bwikorezi.

Umuyobozi mukuru wa Apple,Tim Cook yabwiye The Independent ko Apple ishaka kurenga urwego rwo gukora telefone, ikerekeza no mu bigendanye no gukora ibyuma by’itumanaho bikoreshwa mu binyabiziga.

Kuba Apple yiyongereye ku bindi bigo bikorera igerageza ry’imodoka muri California byerekana ko ishobora kuzaba iya mbere mu gushyira ahagaragara ibi binyabiziga byitwara.

Iki kigo cyahawe uburenganzira bwo kugerageza imodoka eshatu Lexus RX450h zakozwe mu 2015 nk’uko ubuyobozi bwa leta ya California bwabitangaje.

Umuyobozi mukuru wa Apple,Tim Cook yabwiye The Independent ko Apple ishaka kurenga urwego rwo gukora telefone, ikerekeza no mu bigendanye no gukora ibyuma by’itumanaho bikoreshwa mu binyabiziga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza