Ibikubiye mu masezerano y’ubufatanye u Rwanda rwasinyanye na Huawei, imaze imyaka 30 mu Isi y’ikoranabuhanga

Yanditswe na Mukaneza M.Ange
Kuya 17 Werurwe 2017 saa 02:14
Yasuwe :
1 0

Leta y’u Rwanda yasinyanye amasezerano y’imikoranire na sosiyete y’ikoranabuhanga yo mu Bushinwa, Huawei, mu rwego rwo gufasha igihugu mu bikorwa bitandukanye bigamije kwihutisha ikoranabuhanga.

Aya masezerano yashyizweho umukono ku itariki ya 16 Werurwe 2017, nyuma y’ibiganiro Perezida Paul Kagame uri mu ruzinduko mu Bushinwa, yagiranye n’Umuyobozi wa Huawei, Sun Yafang.

U Rwanda rwahagurukiye kubaka ibikorwaremezo bigamije kwihutisha ikoranabuhanga mu nyungu z’abaturage no kugendana n’aho isi igeze mpinduramatwara ya kane y’ibikorwa bishingiye ku ikoranabuhanga.

Sosiyete y’ikoranabuhanga ya Huawei yemeye gushyira mu bikorwa imwe mu mishinga igihugu gifite ari na ho hakomotse aya masezerano y’ubufatanye.

Ni amasezerano agamije gufasha u Rwanda kubaka ububiko bw’amakuru ari kuri Internet (Data Center), umuyoboro wagutse wa internet, Ikoranabuhanga rituma abafite umuriro w’amashanyarazi boroherwa no kubona internet, (Smart Grid) ndetse umuntu uguze umuriro wo gukoresha(unité) ushobora guhita wijyana muri (compteur) ku bw’iyo internet.

Hari kandi ibirebana no guteza imbere ikoranabuhanga mu burezi n’ibindi bikorwaremezo byatuma igihugu kiba igicumbi cy’ikoranabuhanga mu karere.

Nk’uko bigaragara ku rubuga rwa Huawei, iyi sosiyete yatangaje ko igiye gutangiza gahunda yiswe ‘Seeds for the Future ‘, izafasha benshi mu banyarwanda bafite impano mu bijyanye n’ikoranabuhanga.

Perezida Kagame yashimiye sosiyete ya Huawei, uburyo kidahwema gukoresha ikoranabuhanga ryacyo rigezweho mu guhuza u Rwanda, mu rwego rwo guteza imbere urugendo rwatangiye.

Yakomeje avuga ko u Rwanda ruha agaciro gakomeye akamaro k’ikoranabuhanga mu bukungu n’iterambere ry’imibereho myiza y’abaturage, kandi ko yizeye ko Huawei izafasha mu kuriteza imbere no kuzamura umubare w’abanyamwuga mu gutumanaho no guhererekanya amakuru hakoreshejwe ikoranabuhanga.

Umuyobozi wa Huawei, Sun Yafang, yavuze ko bazakomeza gushyira imbaraga mu kuzana ikoranabuhanga rigezweho, ndetse ubunararibonye bafite bukazatuma u Rwanda ruba igicumbi cyaryo mu karere.

Huawei ni sosiyete itanga serivisi z’itumanaho hakoreshejwe ikoranabuhanga, yashinzwe mu 1987; ifite icyicaro mu mujyi wa Shenzhen mu Bushinwa.
Mu maza ya mbere yatangaga serivizi zijyanye no gukwirakwiza imirongo ifasha itumanaho gukora neza, ibikoresho by’ikoranabuhanga, porogaramu za mudasobwa n’ibindi, kuri ubu ikaba ikorerwa mu bihugu bisaga 170 ku Isi.

Huawei ishora imari mu Rwanda mu gutanga serivisi hakoreshejwe ikoranabuhanga. Imaze imyaka isaga 10 igeza ku banyarwanda ibikoresho bitandukanye birimo telefoni zigendanwa n’ibindi.

Minisitiei w'Urubyiruko n'Ikoranabuhanga, Jean Philbert Nsengimana(ibumoso),Perezida Kagame n'Umuyobozi wa Huawei, Sun Yafang(iburyo bwe) n'Umunyamabanga Mukuru wa ITU, Zhao Houlin

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244