00:00:00 IGIHE NETWORK KN KINYARWANDA EN ENGLISH FR FRANCAIS

Space X yahawe ikiraka cyo gukora icyogajuru kizageza abantu ku kwezi

Yanditswe na Dufitumukiza Salathiel
Kuya 17 Mata 2021 saa 07:53
Yasuwe :
0 0

Ikigo cy’Abanyamerika gikora ubushakashatsi bwo mu isanzure, NASA, cyahisemo ko Sosiyete y’umuherwe Elon Musk ikora ibyogajuru, Space X, ko yakora ikizajyana abashakashatsi bacyo ku kwezi mu mushinga wiswe Artemis uteganyijwe mu 2024.

BBC yatangaje ko Space X yatoranyijwe igahabwa ayo masezerano ya miliyari 2,89 $ ihigitse izindi sosiyete zimaze igihe kinini mu byo gukora ibyogajuru zari zihurije hamwe.

Umuyobozi ushinzwe iby’ubuvumbuzi muri NASA, Kathy Lueders, yatangaje ko ayo masezerano azatuma uwo mushinga wa Artemis w’akataraboneka ugerwaho.

Ati “Ku bw’aya masezerano, NASA n’abafatanyabikorwa bacu bazuzuza uyu mushinga ugiye kuba uwa mbere ugaragaza ukuri ko ku kwezi muri iki kinyejana cya 21.”

Amakuru avuga ko muri sosiyete zasabaga icyo kiraka zose Space X ari yo yasabaga amasezerano ahendutse, nabyo bikaba byagize uruhare mu gutuma yegukana ayo mahirwe.

Biteganyijwe ko icyo cyogajuru kizageza undi mugabo n’umugore wa mbere b’Abanyamerika ku kwezi mu 2024.

Bivugwa ko hari n’izindi sosiyete NASA ifite zishobora kuyifasha kugeza abantu ku kwezi mu gihe imwe yaba itabashije kubigeraho.

Space X ifite mu maboko ako kazi kugeza ubu, yatangijwe na Elon Musk mu 2002 ari nawe muyobozi wayo kugeza ubu. Isanzwe ikora ibyogajuru ndetse nayo ubwayo ikora ubushakashatsi bwo mu kirere, aho ifite gahunda yo kugeza abantu kuri Mars mu 2026.

Icyogajuru kizajyana abashakashatsi ku kwezi muri gahunda ya NASA yiswe Artemis ni icya Space X / Ifoto: NASA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .