Snapchat igiye kujya igenzura amatangazo yamamaza abanyapolitiki

Yanditswe na Ferdinand Maniraguha
Kuya 20 Ugushyingo 2019 saa 01:46
Yasuwe :
0 0

Umuyobozi Mukuru w’urubuga nkoranyambaga rwa Snapchat, Evan Spiegel yatangaje ko bagiye gutangira kujya bagenzura amatangazo yamamaza abanyapolitiki arunyuzwaho.

Bitangajwe nyuma y’iminsi ibindi bigo bikomeye by’ikoranabuhanga binenzwe kudafata ingamba zikakaye mu gihe habura iminsi mike muri Leta Zunze Ubumwe za Amerika hakaba amatora ya Perezida.

Facebook yamaze gutangaza ko itazagenzura byihariye amatangazo yamamaza abanyapolitiki mu gihe Twitter yo yayahagaritse.

Spiegel yatangaje ko Snapchat iri kugerageza gushyirahao uburyo bwo kwamamaza ibikorwa bya politiki kugira ngo bashishikarize abakiri bato kwisanga muri politiki.

Icyakora, yijeje ko ayo matangazo yose azajya agenzura n’itsinda bagiye gushyiraho nkuko yabitangarije Televiziyo CNBC.

Snapchat isanzwe itangaza urutonde rw’amatangazo yamamaza abanyapolitiki yayishyizweho.

Imibare yo mu 2019, igaragaza ko amatangazo yamamaza ibikorwa bikomeye byo kwiyamamaza by’abashaka kuba abakuru b’ibihugu byayinyujijweho birimo icyo kwamamaza Joe Biden ushaka kuba Perezida wa Amerika cyatwaye amadolari 1,175, kikarebwa n’abantu 281,894, igikorwa cyo kwamamaza Pete Buttigieg nacyo cyatwaye amadolari 35,618 kikarebwa n’abantu 8,079,020.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza