Samsung Galaxy Note 7 zakumiriwe mu ndege zose za RwandAir

Yanditswe na Philbert Girinema
Kuya 20 Nzeri 2016 saa 02:13
Yasuwe : XX
138 71

Nyuma y’amakuru yagiye atangazwa kuri telefoni za Samsung Galaxy Note 7 ko batiri zazo zishobora guturika, Sosiyete Nyarwanda itwara abantu n’ibintu mu ndege, RwandAir yatangaje ko itazongera kwemera gutwara izi telefoni mu mizigo ndetse ibuza abagenzi kuba bazikoresha.

Itangazo ryashyizwe ahagaragara na RwandAir kuri uyu wa 20 Nzeri 2016 rivuga ko nyuma y’aho uruganda rwa Samsung rugaragarije ko Galaxy Note 7 ifite ibibazo, yahagaritse gutwara imizigo irimo izi telefoni mu ndege zayo.

Iri tangazo kandi rikomeza rivuga ko abagenzi bakwiye kwirinda kuzishyira mu bikapu byamaze gusakwa ndetse abafite izi telefoni bakoresha indege ya A330 iba irimo internet bakwiye kwirinda kuzifungura cyangwa ngo babe bazishyiramo umuriro.

Mu ntangiriro z’uku kwezi nibwo uruganda rwa Samsung rwo muri Koreya y’Epfo rwasabye abantu bose bamaze kugura telefoni za Galaxy Note 7 zashyizwe ku isoko ku wa 18 Kanama 2016 kuzisubiza mu ruganda.

Ni nyuma y’uko uru ruganda rwari rwagiye rwakira amakuru avuga ko batiri zazo zishobora guturika, nyuma yo kuzisuzuma bagasanga koko aribyo.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE