00:00:00 IGIHE NETWORK KN KINYARWANDA EN ENGLISH FR FRANCAIS

Microsoft mu ntambara y’ikoranabuhanga ihanganyemo na Apple

Yanditswe na Muhonzire Sylvine
Kuya 2 Nyakanga 2021 saa 09:51
Yasuwe :
0 0

Ubusanzwe iyo ikigo cya Apple gisohoye porogaramu nshya y’ikoranabuhanga gikora ibishoboka kugira ngo cyereke mukeba wacyo Microsoft ko hari icyo kiyirusha. Gusa ubu bwo byakozwe na Microsoft yihariye isoko ry’abakoresha porogaramu yayo y’ibanze ya Mudasobwa [Operating System, OS] ya Windows ku rugero rwa 87.7% mu gihe Apple ari iya kabiri na 9.2%.

Ubwo Microsoft yamurikaga OS nshya ya Windows 11, umuyobozi wayo, Satya Nadella, yavuze udushya twinshi iyi Windows izaba ifite ndetse yongeraho ko tuzerekana ko Microsoft itandukanye n’ibindi bigo bifite Operating System zikoreshwa cyane.

Bimwe mu byo iyi Windows 11 izaba ifite harimo kuba yemerera umuntu kumanura [download] ‘application’ n’imikino byakozwe n’ibindi bigo bitari Microsoft. Ibintu uruganda rwa Apple rutarakora, kuko kenshi rugira ibyo rugenderaho rwemerera izindi application zitari izayo gukoresha OS yayo.

Nadella kandi yavuze ko abahanga mu by’ikoranabuhanga ubu bemerewe kugurisha porogaramu zabo n’iyo zaba zitari iza Microsoft, bakoresheje uburyo bwa Microsoft Store kandi ntibishyure amafaranga ku nyungu baba babonye.

Bitandukanye n’ibindi bigo nka Google cyangwa Apple, aho yo mbere yishyuzaga 30% by’inyungu abakoresha Operating System yayo baba bakuye mu kugurisha application zabo, gusa ikaza kugabanya ubu ikaba yishyuza 15% by’inyungu ku mwaka cyo kimwe na Google, nyuma y’aho hari abayireze.

Mu ijambo rye Umuyobozi wa Microsoft yagize ati “Ubu Isi ikeneye urubuga rufunguye kuri bose, urubuga ruha application ubwigenge busesuye bwo kuba urubuga ubwayo. Windows ni urubuga rwemerera izindi mbuga ziyirusha ubushobozi kuvuka.”

“Turashaka gukuraho imbogamizi zose zikiriho mu Isi y’ikoranabuhanga kugeza ubu, maze tugaha abantu amahitamo nyayo no kwisanga mu bandi. Operating Systems n’ibikoresho by’ikoranabuhanga bigomba kubaho bijyanye n’ibyo dukeneye.”

Muri Windows 11, Microsoft yashyizeho application ituma abantu bashobora kuvugana barebana ndetse yemerera application zitandukanye gukora n’iyo zaba ari iz’izindi porogaramu z’ibanze za mudasobwa nka iOS, Android, Mac, Linux n’izindi.

Ni mu gihe Apple ari gake yemerera izindi app zose gukoresha OS yayo. Gusa mu ntangiriro za Kamena yavuze ko igiye kwemerera apps za Android na Windows gukoresha OS yayo.

Mu bihe byashize Apple yararwanyijwe izira kuba iteza imbere application zayo muri Operating System zayo. Na Microsoft yarabikoraga ariko ubu iki kigo cyo gitangiye korohereza buri wese kumanura [Download] Application za Android muri Windows 11, ndetse iri guha abantu amahitamo y’ibyo bashaka gukoresha.

Microsoft yaherukaga gushyira hanze porogaramu y’ibanze ya mudasobwa mu 2015 ubwo yasohoraga ’Windows 10’ gusa uko imyaka yagiye ishira yagiye ikorerwa amavugurura. Windows 10 yagiye ku isoko ikurikira ’Windows 8.1’.

Microsoft yerekanye ko ishaka guteza imbere ikoranabuhanga ryayo mu rwego rwo guhangana na Apple

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .