00:00:00 IGIHE NETWORK KN KINYARWANDA EN ENGLISH FR FRANCAIS

LinkedIn igiye guhagarikwa mu Bushinwa

Yanditswe na Rosine Ingabire
Kuya 17 Ukwakira 2021 saa 01:09
Yasuwe :
0 0

Sosiyete y’ikoranabuganga ya Microsoft yatangaje ko igiye gufunga urubuga nkoranyambaga rwa LinkedIn mu Bushinwa kuko itakibashije kubahiriza ibyo isabwa na Leta y’icyo gihugu.

Ni nyuma y’uko urwo rubuga rutangiye kwibazwaho cyane muri icyo gihugu no kunengwa, dore ko hari abantu rwagiye ruhagarika konti zabo barimo n’abanyamakuru bakomeye.

LinkedIn yatangaje ko ahubwo izatangiza urundi rubuga rushakishirizwaho akazi rwitwa InJobs. Kuri uru rubuga ntabwo umuntu azajya abasha gushyiraho amakuru y’ibyo ashaka byabaye cyangwa se ngo abe yasangiza abandi (share) ibyo yakunze.

LinkedIn ni rumwe mu mbuga nkoranyambaga mbarwa zikomeye zo mu Burengerazuba bw’Isi zari zemerewe gukorera mu Bushinwa.

Ubwo rwatangizwaga mu 2014 muri icyo gihugu, abayobozi barwo biyemeje kubahiriza amategeko agenga u Bushinwa. Nyuma ubuyobozi bwaje kuvuga ko bwananijwe n’uburyo bugenzurwa cyane na Leta y’u Bushinwa.

LinkedIn yari imaze imyaka irindwi ikorera mu Bushinwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .