Huawei yasubitse gahunda yo gushyira ku isoko Mate X, telefoni ikunjwa

Yanditswe na Umwali Zhuri
Kuya 16 Kamena 2019 saa 01:18
Yasuwe :
0 0

Sosiyete yo mu Bushinwa ikora ibikoresho by’ikoranabuhanga, Huawei, yasubitse gahunda yo gushyira ku isoko Mate X, telefoni ishobora gukunjwa yagombaga kujya hanze mu mpeshyi y’uyu mwaka ariko bikaba byimuriwe muri Nzeri.

Huawei yatangaje ko ishaka gukora igenzura ryisumbuyeho ku mikorere y’iyi telefoni nyuma y’uko havuzwe ibibazo by’ikirahure kuri Samsung Galaxy Fold nayo ikunjwa.

Muri Gashyantare nibwo Huawei na Samsung zatangaje ko zigiye gushyira ku isoko ubu bwoko bwa telefoni, ariko Huawei yavuze ko ishaka kubanza kugenzura neza.

Samsung nayo ntabwo iratangaza itariki izashyirira ku isoko Galaxy Fold nubwo hari bamwe bayikoresha mu igerageza.

Huawei yavuze ko idashaka gushyira ku isoko igikoresho gishobora kwangiza isura yayo.

Huawei Mate X ifite ikirahura cya santimetero 16.764 ushobora kurambura zikaba 20.32 ku buryo byoroha kureba amafoto n’amashusho neza.

Ifite processeur ituma telefoni yihuta ya Balong 5000, RAM ya 8GB ndetse n’ubushobozi bwo kubika ibintu bingana na 512GB, bizatuma iba icyitegerezo cya telefoni zigezweho zikoresha 5G.

Huawei Mate X ifite batiri ebyiri zishobora kumarana umuriro amasaha agera kuri 36 (4500 mAh), kandi zishyirwamo umuriro iminota 30 gusa.

Biteganyijwe ko izagera ku isoko igura amadolari ya Amerika 2 607.

Mate X ishobora gukunjwa cyangwa ukayirambura igihe wifuza ikirahure kinini
Huawei Mate X izagera ku isoko mu mezi make ari imbere
Umuyobozi Mukuru wa Huawei Consumer Business Group, Richard Yu, izahindura byinshi mu Isi y'ikoranabuhanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza