Havumbuwe ikoranabuhanga ririnda uburyo bwo guhumeka kw’abana bavutse batagejeje igihe

Yanditswe na IGIHE
Kuya 10 Mutarama 2020 saa 12:44
Yasuwe :
0 0

Abashakashatsi b’abanya-Israel, bakoze ikoranabuhanga ryo kurinda urwungano rw’ubuhumekero bw’abana bavutse batagejeje igihe.

Ikigo cy’ikoranabuhanga cyo muri Israel (Technion), kuri uyu wa Kane cyatangaje ko iri koranabuhanga rigamije gukemura ikibazo cy’ubuhumekero bw’abana bavutse igihe kitaragera kuko usanga ibice bitandukanye by’umubiri wabo biba bitarakura neza.

Abana bavutse igihe kitaragera, usanga barangwa no kuba bafite ibibazo by’ubuhumekero bikaba ngombwa ko bahabwa ubufasha mu guhumeka hakoreshejwe icyuma gikoreshwa mu buvuzi mu gutanga umwuka.

Gusa ubu buryo bugira ingaruka zirimo kwangirika kw’ibihaha. Muri ubu buryo kandi buri mwana akenera gupimirwa impuzandengo y’ingano y’umwuka, uburemere bwawo, umuvuduko n’ibindi.

Abashakashatsi ba Technion, bakoze uburyo bwongera gutanga umwuka bigendanye n’ikigero cy’uko umwana ahumeka. Ubu buryo bushobora kurinda iyangirika ry’urwungano rw’ubuhumekero bw’abana kandi bukamufasha guhumeka neza.

Abashakashatsi kandi banavumbuye ikindi kintu gishobora kuba ku mwana kitari kizwi, aho umwuka usohokera mu gakoresho kaba kashyizwe mu munwa w’umwana (tube) ushobora kugira ingaruka ku mwana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza