Kwamamaza

Aba ’Hackers’ b’Abarusiya binjiye mu makuru y’Abanyamerika azifashishwa mu matora

Yanditswe kuya 31-08-2016 saa 12:39' na Rabbi Malo Umucunguzi


Abajura mu by’ikoranabuhanga bo mu Burusiya, ‘Hackers’, batunzwe agatoki ko bari inyuma y’ibitero bibiri biheruka kwibasira ububiko bw’amakuru y’abiyandikishije mu itora muri Leta Zunze Ubumwe za Amerika, byongera impungenge z’abibaza impamvu guverinoma y’u Burusiya yaba ishaka kuyivangamo.

Abayobozi mu nzego z’ubutasi babwiye NBC News ko ibyo bitero birimo amakuru yibwe arimo imyirondoro y’abagomba gutora bagera ku 200,000 bo muri Leta ya Illinois.

Ibi byatumye Ibiro bishinzwe iperereza muri Leta Zunze Ubumwe za Amerika, FBI, muri uku kwezi biburira abashinzwe amatora mu gihugu cyose, basabwa kwitondera ikintu cyose gishaka kwinjirira ikoranabuhanga ryabo.

Iyo nteguza yagiraga iti ‘‘FBI irasaba ko leta zose zimenyesha Inteko Zishinzwe amatora, bakareba niba nta gikorwa nk’icyo ku makuru yabo, haba mo imbere imbere cyangwa ku bubiko bwayo, cyigeze kigaragara.’’

Umwe mu bayobozi yavuze ko icyo gitero cyaba cyaragabwe n’inzego z’ubutasi z’u Burusiya, ndetse “hari impungenge zikomeye’’ ko ibiro bya Perezida w’u Burusiya, Kremlin, byaba bishaka guteza ikibazo mu bikorwa by’amatora muri Amerika.

Gusa hari abandi bayobozi bo bavuze ko bitaremezwa mu buryo budasubirwaho ko ari Guverinoma y’u Burusiya iri kubigerageza, nubwo bikemangwa ko ariyo ibyihishe inyuma kuko Abarusiya batahwemye gukurikirana ikoranabuhanga ry’abanyepolitiki muri Amerika.

Nubwo leta zibasiwe zitatangajwe, bamwe mu bayobozi mu butasi baje guhishura ko ari Illinois na Arizona.

Leta ya Illinois muri Nyakanga byazimije ikoranabuhanga abaturage bakoresha mu kwiyandikisha ku ilisiti y’itora nyuma y’uko ryinjiwemo n’abajura, ndetse no kuwa Mbere yatangaje ko abajura mu ikoranabuhanga binjiyemo bakiba amakuru y’abaturage 200,000 n’ubwo ngo nta yasibwe cyangwa ngo ahindurwe.

Muri Arizona ho ngo abajura bagerageje kwinjizamo ikoranabuhanga ryabo nubwo bitabahiriye, naho bituma ikoranabuhanga abazatora biyandikishirizaho rizimywa muri Kamena iminsi icyenda.

Inzego z’Ubutasi muri Amerika ziheruka no gutangaza ko abajura mu ikoranabuhanga b’Abarusiya bari inyuma y’igitero cyinjiye mu makuru y’Ishyaka ry’aba Democrate n’inzego zaryo, ku buryo impaka zikomeje hibazwa icyo u Burusiya bugambiriye.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved