Kwamamaza

Imisambi yari mu nzu ndagamurage yo kwa Habyarimana igiye kwimurirwa muri Parike

Yanditswe kuya 4-08-2016 saa 00:20' na Ezechiel Mbananabo


Kuri uyu wa Kane tariki ya 4 Kanama 2016,Ikigo kirengera inyamaswa zo mu gasozi( Rwanda Wildlife Conservation Association) gifatanyije n’Ikigo cy’Igihugu cy’Iterambere (RDB) kizajyana imisambi 21 muri pariki y’Akagera ikuwe mu ukusanyirizo ryashyirwagamo imisambi ikuwe mu ngo z’abantu riri mu nzu ndagamurage y’Abaperezida izwi nko kwa Habyarimana.

Dr Olivier Nsengimana ushinzwe kurengera ubuzima bw’imisambi mu Rwanda yabwiye IGIHE ko muri rusange habarizwaga imisambi 33, 21 ikaba ari yo yasanzwe imeze neza ku buryo ijyanwe mu gasozi nta kibazo yagira. Iki kikaba ari icyiciro cya gatatu bagiye kujyana muri parike.

Iyi misambi yagiye ivanwa mu ngo z’abantu babaga bayitunze nk’imirimbo y’ubwiza mu ngo ariko ikaba yaravukijwe ubuzima bw’umwimerere ikwiye kwiberamo mu gasozi.

Gahunda yo gukusanya imisambi ikajyanwa muri pariki yatangiye muri 2014 nyuma yo kubona ko imisambi igenda icika bitewe n’abayihiga n’abayitunga mu ngo zabo.

Dr Olivier yavuze ko bamaze kubarura igera 216 mu ngo z’abantu kuva mu mwaka wa 2014 mu gihe muri 2012 mu gihugu habarurwaga igera kuri 300.Muri pariki hamaze kugerayo 77. Isanganwe ubumuga ku buryo itajyanwa mu gasozi biteganyijwe ko izubakirwa ahantu yajya ishyirwa hihariye.

Dr Olivier yakomeje agaragaza ko imisambi ifite akamaro kanini , bityo ko u Rwanda rufite inyoni nyinshi ari umwihariko utuma abantu benshi baza kuzireba kandi n’ imisambi ikaba ibarizwa mu nyoni.Ngo ibereye ijijo mu kuyireba bitewe n’ubwiza bwayo.

Yakanguriye abantu bafite imisambi mu ngo zabo batarandikisha kubikora.

Inzobere mu bijyanye n'inyamaswa ubwo bari baje kwimura iyo misambi
Imisambi yatwawe mu dusanduku twabugenewe
Aha niho imisambi yabaga mu nzu ndangamurage yo kwa Habyarimana

Amafoto:Luqman Mahoro


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved