Buri mwaka RDB yakira imishinga y’isuzuma ngaruka irenga 100

Buri mwaka RDB yakira imishinga y’isuzuma ngaruka irenga 100


Yanditswe kuya 7-07-2012 - Saa 11:33' na Jean Elysee Byiringiro

Mu rwego rwo kurengera no kwita ku rusobe rw’ibinyabuzima mu Rwanda, ishami rya one stop centre mu kigo cy’Igihugu cy’Iterambere RDB, riratangaza ko ryakira imishinga y’isuzuma ngaruka ku bidukikije irenga 100 mu gihe cy’umwaka.

Ibi byatangarijwe ma nama yahuje abafite aho bahuriye n’igenzura ry’ inyigo y’ingaruka z’ibikorwa by’amajyambere bishobora kugira ku bidukikije. Abari muri iyo nama ni abashinzwe gukurikirana igenzura ry’inyigo ziba zarakozwe mu kumenya aho isuzuma ngaruka ku bidukikije rigeze.

Iyi nama yateguwe n’ishyirahamwe ryo guteza imbere inyigo z’ingaruka imishinga y’amajyambere yagira ku bidukikije mu Rwanda (Association pour la Promotion des Etudes d’Impacts Environnementaux au Rwanda (APEIER) ku nkunga ya Commission Néerlandaise d’Evaluation Environnementale.

Umukozi mu kigo cy’igihugu cy’iterambere RDB Ishami rya one stop centre rishinzwe gufasha abashoramari ku ihabwa ry’ibyangombwa kubidukikije, Mpunga Joseph wafunguye iyo nama ku mugaragaro, yavuze ko buri mwaka bakira abashoramari barenga ijana basaba ibyangombwa byo gukora inyigo z’ingaruka imishinga y’amajyambere yagira ku bidukikije mu Rwanda.

Akomeza avuga ko ibi bikorwa byose bikorwa na REMA ariko ko abakozi babo nabo bari guhabwa abumenyi ku bijyanye n’uburyo banoza akazi kabo ka buri munsi bahura nako.

Innocent Bizimana uhagarariye ishyirahamwe ryo guteza imbere inyigo z’ingaruka imishinga y’amajyambere yagira ku bidukikije mu Rwanda, avuga ko iyiga ngaruka ari uburyo bukoreshwa mu gukurikirana ingaruka ibikorwa by’amajyambere bigira ku bidukikije bishingiye ku nyigo ziba zarakozwe, bakareba niba abantu bashyira mu bikorwa ibyo baba bariyemeje igihe bahabwaga ibyemezo byo gukora imishinga
.
Yakomeje avuga ko nubwo u Rwanda rufite ibibazo by’ibiza, Ibiza bifite inkomoko zitandukanye. Akaba akomeza yemeza ko Ibiza bituruka ku bikorwa bya muntu biri gushakirwa umuti aho n’izi nama zikorwa imyanzuro izivamo ifata ibyemezo byo guhangana n’ibiza byo muri ubwo buryo.

Anno Loonstra, Impuguke yo mu gihugu cy’u Buholandi akaba n’umwe mu bateye inkunga iyo nama, yasobanuye ko mu gihe hatabayeho ikurikiranabikorwa ry’ibyemejwe biba byavuye muri nyigo, nta kintu gishyirwa mu bikorwa. Akaba asaba abitabiriye inama ko bazajya bashyira mu bikorwa ibiba byarashyizwe mu nyigo.

Iyi nama yari yitabiriwe n’abashinzwe ibidukikije mu bigo bya Leta n’ibyigenga by’umwihariko n’inganda. Muribo harimo abaturutse muri : MINIRENA, REMA, RDB, umujyi wa kigali, Initiative du Bassin du Nil, ARECO-Rwanda Nziza, ACNR, Assoc.Nzambazamariya, APEIER, IUCN/CARPE, ORN, CNEE, MINAGRI/DG contrôle de la qualité, Industriels, BRALIRWA, Rutongo Mining Company n’Akarere ka Kicukiro.

Hejuru ku ifoto:Umuyozozi wa APEIER Innocent Bizimana (hagati) afungura inama ku mugaragaro

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO