Kwamamaza

Kigali: Mu gace kahariwe inganda hatewe ibiti bizagabanya umwuka uhumanya ikirere

Yanditswe kuya 26-11-2016 saa 14:41' na Thamimu Hakizimana


MTN Rwanda n’ubuyobozi bw’Umujyi wa Kigali bifatanyije n’abaturage bo mu Murenge wa Ndera mu muganda rusange usoza ukwezi,ahatewe ibiti mu gace kahariwe inganda mu rwego rwo kugabanya umwuka mubi uhumanya ikirere uziturukamo.

Ibi biti byatewe kuri uyu wa Gatandatu tariki ya 26 Ugushyingo 2016 ,ubwo hatangizwaga igihembwe cyo gutera igiti.

Umuyobozi mushya wa MTN Rwanda, Bart Hofker yavuze ko MTN izakomeza gukora uko ishoboye igatanga umusanzu mu bikorwa nk’ibi byo kubaka baka igihugu.

Yagize ati “ Nishimiye iki gikorwa cyo gutera ibiti dufatanyije n’abaturage kandi na MTN izakomeza gutanga umusanzu wayo mu bikorwa nk’ibi byubaka igihugu.”

Minisitiri w’Umutungo Kamere, Dr Vincent Biruta we yavuze ko gutera ibiti mu gace kahariwe inganda ari kimwe mu bizatuma imyuka ituruka mu nganda zahubatswe idahumanya ikirere.

Yagize ati “ Aha turi hagenewe inganda kandi zifitiye igihugu akamaro mu iterambere ryacyo; iyo tuvuga iterambere tuba tugomba kureba niba n’aho inganda ziri hari amashyamba bitewe n’uko aribyo bifata na ya myuka mibi bikayigabanya ntihumanye igihugu cyacu.”

Umuyobozi w’Umujyi wa Kigali, Mukaruliza Monique yavuze ko bafite umuhigo wo gutera ibiti mu bice bitandukanye by’uyu Mujyi.

Yagize ati “ Umujyi wa Kigali dufite umuhigo wo gutera ibiti kuko bituma abawutuye bahumeka umwuka mwiza ndetse bigatuma twongera n’ubwiza bwawo.”

U Rwanda rwihaye intego ko ubuso bw’u Rwanda bugomba kuba buteye amashyamba kuri 30% mu 2018, mu gihe kugeza ubu rugeze kuri 29,6%.

Abayobozi mu nzego zitandukanye batera igiti
Minisitiri w'Amashyamba n'ibidukikije muri Congo, Rosalie Matondo(ibumoso) yifatanyije n'u Rwanda mu gikorwa cy'umuganda
Minisitiri w'Umutungo kamere, Vincent Biruta n'Umuyobozi Mukuru wa MTN Rwanda bagiye gutera igiti
Minisitiri w'Umutungo kamere, Vincent Biruta ageza ijambo ku bitabiriye umuganda
Umuyobozi Mukuru wa MTN Rwanda, Bart Hofker
Umuyobozi Mukuru wa RDB, Francis Gatare na Minisitiri w'Amashyamba n'ibidukikije muri Congo
Umuyobozi w'Akarere ka Gasabo, Rwamurangwa Stephen n'uw'Umujyi wa Kigali, Mukaruliza Monique
Bamwe mu bayobozi bitabiriye umuganda wo gutera igiti
Abayobozi ba MTN Rwanda hamwe n'Umuyobozi w'Umujyi wa Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved