Bralirwa yahaye abafatanyabikorwa “Poubelle” zo kujugunya amacupa ya pulasitiki

Yanditswe na Thamimu Hakizimana
Kuya 5 Kamena 2018 saa 10:18
Yasuwe :
0 0

Uruganda rukora ibyo kunywa bisembuye n’ibidasembuye mu Rwanda, Bralirwa, rwatangiye guha abacuruza inzoga na Fanta zo mu macupa ya pulasitiki aho bazajya bayajugunya (Poubelle) mu kubungabunga ibidukikije.

Ibi Bralirwa ibikoze, mu gihe Ikigo cy’Igihugu cyita ku bidukikije (REMA) na Minisiteri ishinzwe Ibidukikije bari mu bukangurambaga bwo kubirengera.

Kuri uyu wa Kabiri tariki ya 5 Kamena 2018, abakozi ba Bralirwa batangiye gukwirakwiza za poubelle kugira ngo abafatanyabikorwa bayo bo kujya bavanga ayo macupa n’indi myanda, ajye abyazwamo ibindi bikoresho.

Iki gikorwa cyatangiriye mu tubari duherereye ahitwa mu Migina i Remera mu Karere ka Gasabo, imbere ya Stade Amahoro.

Umukozi ushinzwe kwita ku bidukikije muri Bralirwa, Fred Nyangezi, yabwiye IGIHE ko iyi gahunda igamije guteza imbere ibikorwa bijyanye no kwita ku macupa kugira ngo atangiza ibidukikije.

Yagize ati “Iki gikorwa kijyanye no guteza imbere gahunda yo kwita ku bidukikije, igamije gutegura uburyo bwo kwita ku macupa ya pulasitike aho kuyavanga n’ibindi kugira ngo atangiza ibidukikije.”

Yongeyeho ko iyi gahunda inagamije gushyira ahantu hose bakoresha ayo macupa za poubelle kugira ngo abandi bantu babishinzwe baza kuyafata bayajyane kuyabyaza umusaruro.

Yagize ati “Hari abandi bafatanyabikorwa twumvikanye bazajya baza bagafata ayo macupa muri izo poubelle bakayajyana bakayategura, bakayasya mu mamashini zabugenewe kugira ngo avemo ibindi bintu abandi bashobora gukoresha mu gukora ibindi bikorwa bitandukanye.”

Si mu Rwanda gusa havugwa ibyerekeye amacupa ya pulasitiki kuko buri mwaka toni umunani zayo zijugunywa mu nyanja, Loni ikagaragaza ko hatagize igikorwa mu 2050, pulasitiki zizaba ziruta amafi ari mu nyanja.

REMA na Bralirwa byifatanyije mu gutangiza itangwa rya “Poubelle” zo kujugunya amacupa ya pulasitiki
Abakozi ba Bralirwa bajugunya amacupa ya pulasitiki muri “Poubelle”
Umukozi ushinzwe kwita ku bidukikije muri Bralirwa, Fred Nyangezi,
“Poubelle” zo kujugunya amacupa ya pulasitiki zatanzwe na Bralirwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza