00:00:00 IGIHE NETWORK KN KINYARWANDA EN ENGLISH FR FRANCAIS

Nyakanga 2021 yaciye agahigo k’ukwezi kwaranzwe n’ubushyuhe bwinshi mu mateka y’Isi

Yanditswe na Bukuru JC
Kuya 15 Kanama 2021 saa 11:19
Yasuwe :
0 0

Ikigo cya Amerika gishinzwe ibijyanye n’inyanja n’ikirere (NOAA) cyatangaje ko ukwezi kwa Nyakanga 2021 kwaciye agahigo ko kuba ukwa mbere kwagize ubushyuhe bwinshi mu mateka y’isi.

Icyo kigo cyatangaje ko ubushyuhe bwabonetse muri uko kwezi mu bice bitandukanye by’isi bwiyongereyeho dogere Celsius 0.93 ugereranyije n’ubushyuhe bwinshi bwaranze ikinyejana cya 20.

Ubushyuhe bwagaragaye mu kwezi gushize nibwo bwa mbere bwinshi bubayeho guhera mu myaka 142 ishize ubwo hatangiraga ibyo kubika amakuru y’ubushyuhe bw’isi.

Ukwezi kwaherukaga guca agahigo ko kugira ubushyuhe bwinshi ni Nyakanga 2016, gusa nyuma yaho hari andi mezi ya Nyakanga byanganyije gushyuha nka Nyakanga ya 2019 n’iya 2020.

Nyakanga ya 2021 yiyongereyeho dogere Celsius 0.01 ugereranyije na Nyakanga ya 2016.

Igice cyo mu Majyaruguru y’Isi nicyo cyagize ubushyuhe bwinshi cyane aho bwiyongereyeho dogere Celsius 1.54

Nko muri Aziya, Nyakanga y’uyu mwaka niyo ya mbere yaciye agahigo ko gushyuha cyane mu mateka, mu gihe mu Burayi yabaye Nyakanga ya kabiri yaranzwe n’ubushyuhe bwinshi, nyuma ya Nyakanga ya 2018.

Muri Nyakanga iherutse mu bice by’u Burayi cyane cyane iby’Amajyepfo, hari aho ubushyuhe bwagiye bugera kuri dogere Celsius 40. Nko mu Butaliyani hari agace kigeze kubonekamo ubushyuhe bwa dogere Celsius 48.8

Ibice byinshi by'Isi byaranzwe n'ubushyuhe budasanzwe mu kwezi gushize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .