00:00:00 IGIHE NETWORK KN KINYARWANDA EN ENGLISH FR FRANCAIS

Guverinoma igiye gushyiraho umusoro ku bicuruzwa bya pulastiki bitumizwa mu mahanga

Yanditswe na Mukahirwa Diane
Kuya 14 Ukwakira 2021 saa 12:33
Yasuwe :
0 0

Guverinoma y’u Rwanda yatangaje ko igiye gushyiraho umusoro ku bicuruzwa bya pulastiki bitumizwa mu mahanga, mu rwego rwo kwirinda umwanda utezwa nabyo.

Ibi bikaba bizakorwa mu rwego rwo gushyira mu bikorwa amategeko abuza gukora no gutumiza ibicuruzwa bya pulastiki, rikaba rishyigikira gahunda Leta yashyizeho mu 2008 yo guca amashashi n’ibindi byangiza ibidukikije.

Umuyobozi Mukuru w’Ikigo cy’Igihugu cyita ku Bidukikije, REMA, Kabera Juliet, yabwiye Rwanda Today ko u Rwanda rudashobora guhagarika ibicuruzwa bya pulastiki biva hanze ariko mu kubigabanya hashyirwaho umusoro mu kurengera ibidukikije kuko usanga biteza ingaruka cyane nko ku buhinzi.

Yagize ati “Ibice bya pulastiki bijya mu butaka bibangamira ubuhinzi kuko ntabwo ikimera gishobora kwera kiri hejuru ya pulastiki kandi ntabwo ibora.”

Yakomeje avuga ko amafaranga azajya acibwa ibi bicuruzwa azashyirwa mu bikorwa byo guhangana n’imyanda iterwa na pulastiki, akazunganirwa na miliyoni 690 yatanzwe n’Urugaga rw’Abikorera PSF.

Ibikoresho bya plastiki bigiye gushyirirwaho umusoro mu rwego rwo kugabanya ikoreshwa ryabyo mu gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .