Imideli ikoranywe ubuhanga n’intambuko zinogeye ijisho mu byaranze Kigali Fashion Week 2019 (Amafoto)

Yanditswe na Uwiduhaye Theos
Kuya 7 Nyakanga 2019 saa 06:06
Yasuwe :
0 0

Igitaramo cya Kigali Fashion Week cyahuriyemo abanyamideli batandukanye bo mu Rwanda no hanze ndetse n’abayihanga cyashimishije abacyitabiriye bataha banyuzwe.

‘Kigali Fashion Week’ ni igitaramo kimaze kubaka izina mu Rwanda kandi gikundwa na benshi mu bakurikiranira hafi ibijyanye n’imideli.

Ku wa Gatandatu tariki 6 Nyakanga 2019 nibwo iki gitaramo ku nshuro yacyo ya cumi kuva gitangijwe mu Rwanda, cyabereye muri Kigali Serena Hotel.

Cyahurije hamwe abamurika imideli batandukanye bo mu Rwanda no hanze yarwo ndetse n’abayihanga, biyerekanye mu buryo bwanyuze abacyitabiriye.

Herekanywe imyambaro itandukanye irimo iy’inzu zihanga imideli nka Ucoco na The 5 Mith yo mu Burundi, By The Way Clothes yo mu Bubiligi na Gissa Fashion Design yo muri Suède.

Abahanga imideli bo mu Rwanda biyerekanye barimo Aqua, Ihogoza Design, Dk Textiles, Iby’iwacu Summer Collection, Mundi Design na Karen Karsh wa Karsh Collections.

Ibi birori byatangijwe na John Bunyeshuri, kuri iyi nshuro byari bitandukanye n’ibyabanje cyane ko ubu byamaze kujya mu maboko ya Sosiyete yitwa ‘Iby’iwacu’ ya Umulisa Fiona Cécile ikaba ariyo yabiteguye ndetse ikanabikurikirana kuva bitangiye kugeza birangiye.

Sayaka Akimoto ushinzwe kumenyekanisha Tokyo Africa Collection 2019 na Leo Sugo utegura iki gikorwa bari mu bacyitabiriye.

Leo Sugo yavuze ko muri iki gikorwa batumiye abamurika imideli n’abayihanga bo mu Rwanda kuba bazacyitabira cyane ko bafitanye imikoranire. Iki gikorwa cyahujwe na Kigali International Fashion Week izabera mu Buyapani.

John Bunyeshuri watangije Kigali Fashion Week akaba ari nawe wari uyoboye ibirori, yavuze ko aho Kigali Fashion Week iri uyu munsi ari aho kwishimirwa kuko hari abantu benshi yafashije.

Yakomeje avuga ko icyo ashaka ari ukuzamura buri muntu ufite impano mu ruganda rw’imideli kuko aribyo bizatuma rukomeza gukura umunsi ku wundi rukagera kure.

Ati “Impamvu Kigali Fashion Week itandukanye n’ibindi birori by’imideli ni uko njya ahantu hatandukanye; uyu mwaka nagiye i Musanze na Huye nkabwira umuntu nti uhanga imyenda? Reka tukuzamure. Akambwira ati ’ese nzishyura angahe?’ Nkamubwira nti ntabwo nkeneye amafaranga ahubwo icyo nshaka ni ukukumenyekanisha.”

Kigali Fashion Week yatangiye mu 2012, itangirana n’ibindi birori birimo icya Kampala, Bujumbura na Nairobi Fashion week.

Inategura ibitaramo muri Ghana n’ibindi bihugu bikomeye ndetse yanatangiye ibirori birimo Kigali International Fashion Week ibera mu Buholandi, u Bubiligi, u Budage n’u Bwongereza.

Uyu mwaka bazatangira ibindi birori birimo ibizabera i New York, Tokyo, Thailanda na Singapore.

-  Imideli ya Aqua Designs

-  Imideli ya By The Way Shop

-  Imideli ya DK Textiles

-  Imideli ya Gissa Fashion

-  Iby’iwacu Summer Collection

-  Imideli ya Ihogoza Designs

-  Impunzi zo mu Burundi ziri mu Rwanda zahawe umwanya wo kwerekana impano zabo

-  Karssh Collections

-  Mundi Designs

-  Ibirori byitabiriwe n’abantu batandukanye

Sayaka Akimoto na we yishimiye kuza muri Kigali Fashion Week yabereye mu Rwanda
Ab'ingeri zitandukanye bari bitabiriye iki gikorwa
Ambasaderi w'u Buyapani mu Rwanda, Takayuki Miyashita mu bayobozi bakomeye bitabiriye iki gikorwa
Bunyeshuri yashimiye ikipe yagize uruhare rukomeye mu gutegura Kigali Fashion Week uyu mwaka
John Bunyeshuri watangije Kigali Fashion Week ni we wayoboye ibi birori
Leo Sugo na Sayaka Akimoto bari gutegura Tokyo Africa Collection 2019 ifite imikoranire na Kigali International Fashion Week izabera mu Buyapani
Leo Sugo ageza ijambo ku bitabiriye iki gikorwa
Ntawirema Célestin utegura Rwanda Cultural Fashion Show yashimiye Bunyeshuri ku musanzu atanga mu ruganda rw'abamurika imideli

-  Imideli yamuritswe na The 5 Mith

-  Ucoco na yo yamuritse imideli

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza