00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda batatu bahataniye ibihembo mu irushanwa ry’imideli ryo muri Kenya

Yanditswe na Uwiduhaye Theos
Kuya 9 Ugushyingo 2021 saa 12:49
Yasuwe :
0 0

Niyitanga Olivier washinze inzu ihanga imideli ya Tanga Designs, umunyamideli Munezero Christine uheruka kwitabira Paris Fashion Week n’umufotozi Chris Schwagga bahatanye mu irushanwa ry’imideli rya Pwani International Fashion Week & Awards (PIFWA) ribera muri Kenya.

Uko ari batatu buri umwe muri aba ahatanye mu cyiciro cye. Nka Niyitanga ahatanye mu cyiciro cy’uwakoze imyambaro myiza kandi inogeye ijisho muri Afurika y’Uburasirazuba (East Africa Stylist Of The Year).

Aha ahanganyemo n’abandi bahanga imyambaro barimo Macrida Da Joseph na Noel Ndale bo muri Tanzania na Mavo Kampala wo muri Uganda. Ari no mu kindi cyiciro cy’uhanga imyambaro myiza muri Afurika y’Iburasirazuba w’umwaka(East Africa Designer Of The Year).

Aha ahanganye na Kaidivo Designs na Fatma Asha bo muri Uganda ndetse na Mahaumes na Mac Couture bahanga imyambaro bo muri Tanzania.

Mu cyiciro cy’umufotozi mwiza muri Afurika y’Iburasirazuba(East Africa Photographer Of The Year) niho Chris Schwagga ahatanye, aho ari kumwe n’abandi barimo Clemence Photography na Canny Sophen bose bo muri Tanzania na Walter Keys wa Uganda.

Christine Munezero we ahatanye mu cyiciro cy’umurika imideli w’igitsinagore w’umwaka (East Africa Female Model Of The Year). Ari kumwe n’abarimo Sia Pius na Zara Bedel bo muri Tanzania ndetse n’abagandekazi Aliet Sara na Adit Priscillah.

Pwani International Fashion Week & Awards (PIFWA) yatangijwe mu 2015 hagamijwe guha agaciro abo mu ruganda rw’imideli muri Kenya no hanze yayo no kugaragaza ibyo bakora.

Ibihembo by’uyu mwaka bizatangwa ku wa 12 Ukuboza 2021 i Mombasa muri Kenya. Ushaka kugira umunyarwanda uha amahirwe Wakanda hano: https://pifwa.co.ke/

Chris Schwagga ni umwe mu bafotozi bakomeye mu Rwanda
Christine Munezero aheruka kujya muri Paris Fashion Week aho yamuritse imyenda sosiyete zikomeye nka Maison Valentino Shangxia Giambattista Valli Lacoste na AZ Factory
Christine Munezero ni umwe mu bahataniye ibihembo
Niyitanga ahatanye mu byiciro bibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .