00:00:00
IGIHE NETWORK

Buchana wahanze ikoranabuhanga rya Tap & Go, yashyizwe ku rutonde rwa Forbes

Umuyobozi w’Ikigo, AC Group, gifite ikoranabuhanga ryo kwishyurana, Patrick Buchana, yashyizwe ku rutonde rw’abanyafurika 30 bo mu gice gikoresha Igifaransa, bafite uruhare mu kugena ahazaza ha Afurika.

Uru rutonde ngarukakwezi rw’ikinyamakuru Forbes, rugaragaraho abantu baturuka mu bihugu 23 bikoresha Igifaransa muri Afurika, n’ibyo ku yindi migabane nk’u Bufaransa, u Bubiligi, u Busuwisi na Canada.

Mu butumwa Buchana yanyujije kuri Twitter yagize ati “Nshimishijwe no kugaragara ku rutonde rwa Forbes Afrique rw’abantu 30 bafite munsi y’imyaka 30 bari kugira uruhare mu mpinduka z’uyu mugabane. Imirimo myiza ya AC Group irakomeje.”

Buchana yashinze AC Group mu 2015, ubu ikaba ari ikigo kiri mu by’imbere mu gutanga ibisubizo by’ikoranabuhanga, birimo iryo kwishyura imodoka zitwara abagenzi rizwi nka Tap&Go.

Nyuma yo gushinga imizi mu Rwanda, AC Group yanagejeje ibikorwa bigamije koroshya ingendo i Yaoundé.

Buchana si umunyarwanda wa mbere uje ku rutonde rwa Forbes rugaragaza ba rwiyemezamirimo bato b’Abanyarwanda batanga icyizere.

Muri muri Gicurasi Nzeyimana Jean Bosco washinze ikigo Habona Ltd gitanga serivisi zo gutunganya imyanda ikavamo ibicanwa, yashyizwe kuri uru rutonde.

Abandi barujeho barimo Rwiyemezamirimo w’umuhanzi w’imideli, Sonia Mugabo.

Patrick Nsenga Buchana ni umwe muri ba rwiyemezamirimo bato u Rwanda rufite bamaze gukora ibikorwa by'indashyikirwa

Ibitekerezo

  • Felicitation Patrick! ni byiza cyane. gusa icyo wazadukorera n’ukuzashiraho timing ya buri arret bus kuri buri ligne ya bus igerera kuri buri cyapa nyuma y’iminota 5 nkuko RURA yari yarabitwemereye, ziriya company zo gutwara abagenzi zigitangira.

  • Ni byiza gusa namusaba gukosora kuri irikoranabuhanga uburyo bwo kwishyura umuntu akishyura amafaranga angana nurugendo urugero umuntu ugiye mu modoka kwa Lando agera Kimironko ni gute yishyura nkuwakoze urugendo ava mu mujyi cg Nyabugogo

  • Congs Mr Patrick. Komerezaho ugere no kubyo cg aho utaragera.

  • Izi company ibyo zakoze ni byiza wasangaga komvuwayeri abura uduceri two kugarura bigakereza abantu gusa na none ndanenga RURA kuko ntiyita Ku kibazo cy’abagenzi bishyura Wi-Fi badakoresha njye buri munsi ndatega ngahomba 180 kuva Kanombe -uza mu mujyi bikube n’umwaka urebe igihombo bamaze kunteza kuva 2016 aho abagenzi Bose bakoresha amakarita ya Tap

  • turabishima ariko hari icyo tugaya,barenzaho 20 kuri transiport ngo internet ariko ntayo baduha bayakureho kuko dukomeze twigurire mega

  • Uwo mugabo yita kunyungu z’abafite ama bus,abagenzi bakagombye kwishyura amafaranga y’ibirometero bakoze.ikoranabuhanga rye ntiryuzuye kuko ridasimbura neza service yatangwaga na convoiyeur.

  • Congs kuyu musore ukiri muto ariko abashinzwe trsnaport bongere amabus hagabanywe imirongo yo muri gare birakabije kujya muri gare sakumi nimwe ukahva sambiri zijoro,minister ushinzwe transport nabikoreho kuko ntanumwe wishimira iriya mirongo


Tanga igitekerezo


BIGEJEJEYO