Itorero ndangamuco ry’u Rwanda i Beijing ryizihije igitaramo nyafurika

Itorero ndangamuco ry’u Rwanda i Beijing ryizihije igitaramo nyafurika


Yanditswe kuya 15-05-2012 - Saa 07:00' na Emile Rwagasana

Kuwa 11 Gicurasi 2012, Itorero ndangamuco ry’u Rwanda mu Bushinwa ryizihije umugoroba w’igitaramo nyafurika i Beijing, aho ryerekanye ibihangano birimo indirimbo, ingoma, imyambaro ndetse n’ibihangano by’ubukorikori bwo gushushanyisha amabara (Painting).

Muri iki gikorwa, igishushanyo cy’u Rwanda cyararushije ubwiza ibindi bishushanyo byari hamwe bityo kigurishwa amadolari magana ane (US $ 400). Amafaranga ava mu bucuruzi bw’ibihangano ashyirwa hamwe agafasha abatishoboye, cyane cyane imfubyi n’abafite ubumuga bavukanye.

Iki gitaramo ni ingarukamwaka kikaba gitegurwa n’abafasha b’abahagarariye ibihugu by’Afurika mu Bushinwa, kikitabirwa n’abantu b’ingeri zose harimo Abashinwa bo mu nzego za Leta kimwe n’abikorera ku giti cyabo. Hari kandi Ambasaderi w’u Rwanda mu Bushinwa, Ngarambe Francois Xavier.

Igitaramo cya 2012 cyari gifite umwihariko kuko cyari cyitabiriwe n’umufasha wa Minisitiri w’Ububanyi n’Amahanga w’u Bushinwa Madamu Le Aimei.

PNG - 507 kb
Abahungu barahamirije abakobwa barashayaya
PNG - 744.2 kb
Mu muhango wo kwiyakira
PNG - 639.3 kb
Bamwe mu bagize itorero ry’imbyino ry’Abanyarwanda baba mu Bushinwa
PNG - 655.8 kb
Mu gitaramo nyafurika i Beijing n’abashinwakazi bari bakenyeye baranitera
PNG - 518.6 kb
Ambasaderi Ngarambe Francois atanga igihangano cy’u Rwanda ari kumwe n’umufasha we hamwe n’umushinwakazi wakiguze amadolari 400

Iyi nkuru twayigejejweho na Emile Rwagasana uri mu Bushinwa

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO