Kwamamaza

U Busuwisi : Abanyarwanda n’inshuti zabo bahuriye mu busabane (Amafoto)

Yanditswe kuya 16-09-2016 saa 15:16' na Karirima A. Ngarambe


Iyo witegereje henshi mu bihugu by’amahanga, abanyarwanda bahatuye, bakora ibishoboka byose bagahura bakamenyana binyuze mu bikorwa bitandukanye, haba mu busabane busanzwe, imikino ngororangingo, ibijyanye n’umuco nko mu bitaramo nyarwanda n’ibindi.

Aba banyarwanda kandi bahurira muri za gahunda zitandukanye zitegurwa na za Ambasade cyangwa, ibiganiro mbwirwaruhame bitegurwa ku rwego rwo hejuru nka za "Rwanda Day", aho baganira n’Umukuru w’Igihugu imbonankubone.

Ibi bikorwa byose uko bibaye usanga bigenda bifungura imiryango, abanyarwanda bagasabana, aho usanga ubu abandi banyafurika baba muri ibyo bihugu by’u Burayi bibaza iturufu u Rwanda rukoresha ngo abanyarwanda batuye cyangwa biga mu mahanga bakomeze urukundo n’ishyaka ku gihugu n’umuco byabo.

Ni muri urwo rwego tariki ya 10 Nzeri 2016 i Genève mu Busuwisi, bamwe mu banyarwanda bahatuye bishyize hamwe baraganira ndetse baranasabana binyuze mu gusangira ifunguro ndetse n’ibindi.

Rutabayiru Ernest umwe mu bateguye iki gikorwa yagize ati "Nibyo koko icyo gitekerezo nakigejejweho n’umusaza witwa Gady Gatorano ko twahura mu bihe nk’ibi tugifite izuba, abantu bagahura bagasangira mu busabane, abana bagahura bagakina, abakuru natwe tukaganira bya kinyarwanda, numva koko ari igitekerezo cyiza, ni bwo tubishyize mu bikorwa koko, twohererezanya ubutumwa dukoresheje cyane cyane imbuga nkoranyambaga (Social Media), abantu benshi baratwitabira, ndetse haza n’abo mu bihugu duhana imbibi nk’u Bufaransa mu karere ka Lyon."

Rutabayiru akomeza avuga ko ikintu cyabashimishije cyane ari ukubona abanyarwanda b’ingeri zose, abato n’abakuru, banezerewe baganira ikinyarwanda, ibintu abona ko bizafasha abana mu mikurire yabo bamenya aho bava n’aho bagana.

Rutabayiru yashimiye cyane umuntu wese wagize uruhare mu kugira ngo ubu busabane bubeho, yemeza ko ari iby’agaciro gakomeye.

Uretse ibikorwa by’ubusabane abanyarwanda baba mu mahanga bahuriramo, usanga banifatanya n’abandi banyarwanda baba mu Rwanda mu kwizihiza ibirori bitandukanye birimo umunsi wo kwibohora, Umuganura, Umuganda, kwibuka Jenoside yakorewe Abatutsi n’ibindi.

Bishimanye basangira ifunguro
Bimwe mu bikoresho bya Kinyarwanda baba babifite

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved