Kwamamaza

U Bubiligi: Rayon Sports igiye kumurikira abakunzi bayo igikombe iheruka kwegukana

Yanditswe kuya 7-10-2016 saa 17:36' na Karirima A. Ngarambe


Abakunzi ba Rayon Sports batuye mu Bubiligi no mu bindi bihugu byo ku mugabane w’u Burayi bahuriye mu muryango “Rayon Sports Europe” bateguye umugoroba bise "Rayon Sport Gala Night” uzakusanyirizwamo inkunga yo gutera iyi kipe.

Muri iki gikorwa kizabera La Bodega mu Mujyi wa Bruxelles mu Bubiligi, ku mugoroba wo kuwa 12 Ugushyingo 2016, abakunzi ba Rayon Sports bazamurikirwa igikombe cy’Amahoro, iyi kipe iheruka kwegukana itsinze mukeba APR FC igitego kimwe ku busa.

Mu kiganiro IGIHE yagiranye n’Umuyobozi wa Rayon Sports Europe, Jean Pierre Rugero yatangaje ko imyiteguro y’uyu munsi wahariwe Rayon Sports bayigeze kure.

Yagize ati “Nibyo koko turategura umugoroba uzahuza umuryango wacu wa Rayon Sports ‘Gikundiro’ n’inshuti zawo, nkuko twabikoze muri 2013 muri gahunda twari twise “Rayon Sport Day”. Iyi gahunda ya “Rayon Sports Gala Night #Gikundiro Funds” igamije guhuza abahoze ari abakinnyi ba Rayon Sports n’andi makipe yo mu Rwanda, abanyamuryango n’inshuti zabo mu rwego rwo kumurika igikombe ikipe iherutse gutwara, ndetse hakazabaho n’umugoroba w’ubusabane.”

Yakomeje avuga muri ibi birori bazakusanya inkunga yo gushyigikira Rayon Sports mu bikorwa bijyanye n’iterambere.

Ati “ Muzaze rwose muri benshi dushyigikire ikipe yacu, turirimbire hamwe, ‘Mbabarira ayiwe mbabarira”.

Iki gikorwa kizagaragaramo abakinnyi bakanyujijeho mu myaka yo hambere mu makipe atandukanye nka Kiyovu Sports, Rayon Sports, Mukura VS barimo Chrysostome Hitimana, Minko Michel, Aimé Dollar, Lisala Tanganyika, Ndiki Ben Sosa Kitala, Murangwa Eugène, Kalisa Claude, Mudeyi Nazaire, Muvara Valens, Idi Ibrahim, Marzuku Ibrahim, Mupenzi Léon, Boumedienne, Abdu Moussa, Said Luseya, Abdallah Razak, Liongola Guy, Juma Mosi, n’abandi.

Abazitabira ibi birori bazasusurutswa n’abahanzi b’Abanyarwanda barimo Kitoko Bibarwa, De Gaulle Ufiteyezu, na Jean Paul Samputu.

Rayon Sports Europe iheruka gutegura umunsi wahariwe iyi kipe y’i Nyanza ‘Rayons Sports Day’ wabereye Bruxelles mu Bubiligi muri 2013 ubwo abakunzi bayo ku mugabane w’u Burayi bishimiraga igikombe cya shampiyona bari begukanye muri uwo mwaka.

Jean Pierre Rugero uyobora Rayon Sports Europe yasabye abafana ba Rayon kuza bagashyigikira ikipe yabo
Abakinnyi ba Rayon Sports
Abakinnyi ba Kiyovu Sports
Kapiteni wa Kiyovu Sports na Rayon Sports mu mukino wabahuje muri 2013
Umukino wahuje Rayon Sports na Kiyovu Sports warebwe n'abafana benshi
Nyuma y'umukino bakora ubusabane

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved