Kwamamaza

U Bubiligi: Hamuritswe Film Mfanshanyigisho kuri Jenoside yakorewe Abatutsi

Yanditswe kuya 27-11-2016 saa 10:09' na Karirima Ngarambe


Ishyirahamwe Muyira asbl rikora ibikorwa byo kwibuka Jenoside yakorewe Abatutsi ribinyujije mu buhanzi bw’umwuga, ryamuritse film Mfashanyigisho ndangamateka n’igitabo byombi bivuga kuri Jenoside yakorewe Abatutsi mu 1994.

Iki gikorwa cyabaye tariki ya 25 Ugushyingo, muri CCLJ (Centre Communautaire Laïque Juif) mu Mujyi wa Bruxelles mu Bubiligi.

Nkuko bivugwa na Uwindekwe Providence Rwayitare na Philippe Taszman bagize ishyirahamwe Muyira asbl, ryakoze iyi film ndangamateka kuri Jenoside yakorewe Abatutsi mu Rwanda, bavuga ko kuva aho ihagarikiwe; abanditsi n’abahanga mu nzego zitandukanye babikozeho inyandiko, ariko ugasanga ijwi ry’abacitse ku icumu ritumvikana, bityo rero ngo bayikoze bagamije kubaha umwanya kugira ngo bagire icyo bavuga kizafasha abakiri bato.

Bati “Usanga mu nyandiko n’ahandi ijwi ry’abacitse ku icumu ryumvikana gake cyane uretse igihe habaye imihango yo kwibuka, ni kuri iyo mpamvu habayeho ikintu cyatuma ababishoboye batanga ubuhamya bwabo kugira ngo bushyirwe muri iyi film ndangamateka kandi mfashanyigisho n’igitabo kiyiherekeje ‘D’ici et d’ailleurs’ gikubiyemo birambuye amateka fatizo yaranze iyi Jenoside."

Bavuga kandi ko Film n’icyo gitabo bizifashishwa cyane mu mashuri, mu gutanga ubuhamya bw’amateka ya Jenoside yakorewe Abatutsi n’izindi zabayeho, ikazafasha kandi gufungura ibiganiro mu nyigisho bijyanye.

Mu kiganiro IGIHE yagiranye na Ambasaderi Olivier Nduhungirehe uhagarariye u Rwanda mu Bubiligi, wari witabiriye iki gikorwa, yagize ati “Iyo abacitse ku icumu batanga ubuhamya nk’ubu, baba badufasha kurwanya urubyiruko rumwe rwadutse hano mu Bubiligi ruvuga ko hariho "Diaspora Hutu" kuko rugendera ku bitekerezo bya kera bya Hutu Power bakagarura ingengabitekerezo n’amacakubiri byatugejeje mu bwicanyi muri 1994.”

“Binadufasha kandi kurwanya bamwe birirwa bavuga ko habayeho Jenoside Nyarwanda, aho kuvuga ukuri ko abishwe bazize ko bari baravutse ari Abatutsi, bivuze ko habayeho Jenoside yakorewe Abatutsi mu Rwanda.”

Amb. Nduhungirehe yashimye byimazeyo urugero rwatanzwe kuri iki gikorwa, abakoze uko bashoboye ngo bigerweho cyane n’abagize ibakwe n’ubushake bwo gutanga ubuhamya.

Félicité Lyamukuru, umwe mu batanze ubuhamya, yavuze ko imbaraga zo ku butanga zaturutse ku kwanga ko abantu bavuga ibitari byo bakomeza kwiharira ijambo no kugira ngo abana be bazamenye ukuri ku mateka y’aho bakomoka.

Uwindekwe Providence Rwayitare umwe mu bagize ishyirahamwe ryakoze iyi film, avuga ko bari bagamije guha abacitse ku icumu ijambo batanga ubuhamya kuri Jenoside
Abantu batandukanye bari bitabiriye umuhango wo kumurika iyi film n'igitabo kiyiherekeje bivuga kuri Jenoside yakorewe Abatutsi
Uhereye ibumoso: Uwindekwe Providence Rwayitare, Félicité Lyamukuru na Justine Mudahogora bamwe mu batanze ubuhamya
Ambasaderi Nduhungirehe (iburyo mu bicaye imbere) nawe yari yitabiriye uyu muhango
Uwindekwe Providence Rwayitare (iburyo),Philippe Taszman bari muri Muyira asbl yakoze iyi film na Florence Caulier wa CCLJ
Abitabiriye umuhango wo kumurika iyo film batanga ibitekerezo

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved