Kwamamaza

U Bubiligi:Amb. Nduhungirehe yifatanyije n’abatuye Blankenberge mu muganda

Yanditswe kuya 20-08-2016 saa 17:28' na Karirima A.Ngarambe


Mu rwego rwo gukomeza kugaragaza isura nziza y’u Rwanda, Ambasaderi w’u Rwanda mu Bubiligi, Olivier Nduhungirehe yifatanyije n’abanyarwanda baba mu majyaruguru y’umujyi wa Blankenberge,mu muganda ngarukamwaka.

Muri uyu muganda wabaye mu gitondo cyo kuri uyu wa 20 Kanama 2016, abanyarwanda bahurije hamwe imbaraga maze basukura inkengero z’inyanja ya Ruguru(Mer du Nord).

Mu kiganiro na IGIHE, Amb. Nduhungirehe yavuze ko ari ku nshuro ya gatanu abanyarwanda batuye Blankenberge bakoze umuganda kandi ko umurimo ari kimwe mu biranga umuco wabo.

Ati” Kimwe kiranga umuco wacu ni umurimo, kandi ni umurimo ukorwa mu bwisungane, tukabikora turi benshi ku bintu bidufitiye akamaro nk’abanyarwanda ndetse n’aba hano Blankenberge.”

Nyuma y’uyu muganda kandi abanyarwanda baba Blankenberge banateguye umuganura aho baza gusangira umusaruro w’akazi baba bakoze, ibikorwa Nduhungirehe yashimye cyane.

Ati” Ni ibintu byiza byakozwe hano n’iabatuye Blankenberge kuko bagaragaje ko bafite umuhate wo kuteza imbere umuco wacu.”

Yakomeje agaragaza yifuza ko umuganda watangira no gukorerwa mu bindi bice, abanyarwanda batuye mu yindi mijyi bagafatanya n’ubuyobozi mu gukora ibikorwa bitandukanye bifitiye akamaro abahatuye.

Ati”Umuryango w’abatuye Blankenberge watubereye urugero, ni ukuvuga ko n’abandi bagomba kuzakora ibikorwa nk’ibi ngibi. Ambasade rero ikaba izabibafashamo mu mezi ari imbere.”

Mbere yo kwitabira umuganda, Nduhungirehe yabanje kugirana ikiganiro n’umuyobozi w’Umujyi wa Blankenberge, Patrick De Klerck utabashije kwitabira uyu muganda.

Ambasaderi Nduhungirehe aha umuyobozi w'Umujyi wa Blankenberge, Patrick de Klerck, impano y'icyayi cy'u Rwanda
Ambasaderi Nduhungirehe atangiza umuganda ku nkengero z'inyanja
Amabasaderi Nduhungirehe yakirwa n'Umuyobozi w'Umujyi wa Blankenberge
Uumuyobozi wa Diaspora ya Flandre, Umutangana Yvette, yakira abashyitsi
Ambasaderi Nduhungirehe ageza ubutumwa ku bitabiriye iki gikorwa
Perezidante wa DRB-Rugali, Pulcherie Nyinawase
Abana bizihije abari aho mu mbyino za kinyarwanda

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved