Kwamamaza

U Bubiligi: Abanyarwanda bizihije imyaka itanu y’igikorwa cya ’Journée sportive’

Yanditswe kuya 5-09-2016 saa 10:26' na Karirima Ngarambe


Ishyirahamwe ry’Abanyarwanda batuye mu mujyi wa Namur mu Bubiligi, bizihije isabukuru y’imyaka itanu bamaze bategura igikorwa ngarukamwaka bise « Journée sportive » gihuriza abanyarwanda n’inshuti zabo mu mikino inyuranye n’ubusabane.

Iki gikorwa cyabaye tariki ya 3 Nzeri 2016, cyitabiriwe n’ Abanyarwanda n’inshuti zabo, baturutse mu mpande zose z’iki gihugu, nkuko bisanzwe bigenda buri mwaka kuva cyantangira, Ambasaderi w’u Rwanda mu gihugu cy’u Bubiligi, Olivier Nduhungirehe, akaba ari we wari umushyitsi mukuru.

Abasore n’inkumi, abakuru n’abato bahuriye mu mikino inyuranye, barasabana, barasangira nka bimwe mu bihuruza abitabira iki gikorwa.

Amb. Olivier Nduhungirehe yashimiye abateguye iki gikorwa ingufu bakoresheje ndetse anabibutsa ko siporo ari ingirakamaro ku buzima bw’umuntu, ndetse ko n’igihugu cyababyaye kiyishyize imbere.

Yagize ati "Ndashimira byimazeyo abateguye uyu munsi, banijihije isabukuru y’imyaka 5 bategura iki gikorwa, birashimishije kubona uko mushyize hamwe mugakora ibintu byiza byo guhuza bantu nk’ibi, ndizera ko bizakomeza bitya. Ndashimira kandi abantu bose baje kubashyigikira n’abagize amakipe yakinnye bose. Nkuko mubizi mwese siporo ni ingirakamaro ku buzima, kandi mu guhuza abantu, muri siporo nta vangurakarere, igitsina cyangwa amoko,uturere n’ibindi ".

Yakomeje agira ati "Siporo kandi Guverinoma y’u Rwanda irayishyigikiye, no mu bigo bya Leta hagenwe ibihe byo gukora siporo buri wa gatanu nyuma ya saa sita, abakozi bo mu bigo na za Minisiteri barahura bagakina, kandi rimwe mu kwezi hashyizweho umunsi wiswe “ journée sans voitures” aho abantu benshi bahurira mu mihanda bagakora siporo, bakagenda ku magare, bakiruka n’ibindi, nta modoka zibuka imyotsi. Nkaba nasaba ko iki gikorwa cyakorwa ku rwego rwa DRB y’igihugu kigashyirwamo imbaraga kikagera kuri benshi bashoboka. Hakabaho ko amakipe yacu arenga amashyirahamwe y’abanyarwanda gusa, tugahura n’andi ma Diaspora Nyafurika n’abandi."

Musare Faustin, Umujyanama wa mbere wa Ambasade y’u Rwanda mu Bubiligi akaba umwe mu babashije kwitabira iki gikorwa mu gihe cy’imyaka itanu kimaze gikorwa, yavuze ko ari ingirakamaro kuko ngo buri mwaka kigenda kitabirwa n’abantu benshi.

Pulcherie Nyinawase uyobora DRB-Rugali ku rwego rw’igihugu, mu ijambo rye yashimiye cyane abayobozi ba Ambasade uko bitabira ubutumire bw’ibikorwa muri Diaspora Nyarwanda mu Bubiligi, ashimira abateguye uyu munsi n’abawitabiriye bakigomwa ’weekend’ yabo mu miryango bakaza guhurira hamwe bafite ku mutima u Rwanda.

Yagize ati "Iki gikorwa kiraduhuza, tugasangira amakuru, kandi mu busabane, urebye uko mutegura uyu munsi, wakwibwira ko byoroshye ubirebera kure, ariko ndabizi neza ko biba byabatwaye imbaraga nyinshi, ibi bikaba bitwereka ko ushaka kugera ku cyiza akigeraho koko, ndabibashimiye."

Jeny Faida uyobora DRB-Rugali – section Namur, yashimiye abatumirwa be, kuba baje ari benshi, ashimira komite bayoborana kandi bategurana ishyaka iki gikorwa, yifuriza abaje kugubwa neza no kwisanga.

Uyu munsi wakomeje mu busabane abakobwa babyina Kinyarwanda, ndetse bakaba bagize n’umwanya wo gucinya akadiho kugeza bukeye.

Habayemo kwidagadura hakinwa imikino itandukanye
Amakipe mu mikino itandukanye yitwaye neza yahawe ibihembo
Inshuti z'Abanyarwanda nazo zari zabukereye zambaye imyenda ifite ibirango by'u Rwanda
Jean Pierre Ndayisenga wayoboye imihango
Jeny Faida uyobora DRB-Rugali – section Namur
Musare Faustin, Umujyanama wa mbere wa Ambasade y’u Rwanda mu Bubiligi
Ambasaderi Nduhungirehe yabibukije ko gukora Siporo ari ingenzi mu buzima
Abakobwa babyinnye kinyarwanda berekana ko nubwo baba hanze umuco nyarwanda bakiwufite
Abari bitabiriye iki gikorwa bari basabywe n'ibyishimo
Byari ibyishimo ku banyarwanda baba mu Bubiligi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved