Kwamamaza

Suède: Abanyarwanda bizihije umuganura biyemeza kurushaho kunga ubumwe

Yanditswe kuya 30-08-2016 saa 10:47' na Karirima A. Ngarambe


Abanyarwanda n’inshuti z’u Rwanda baba mu bihugu biherereye mu majyaruguru y’u Burayi (Scandinavia) bahuriye i Stockholm mu murwa mukuru wa Suède mu birori byo kwizihiza umunsi w’Umuganura ndetse baniyemeza kurushaho kunga ubumwe.

Ibi birori byabaye ku itariki 27 Kanama 2016, byitabiriwe na Ambasaderi w’u Rwanda muri Scandinavia, Christine Nkulikiyinka ndetse n’abanyarwanda baturutse muri Denmark, Norvège, Iceland na Finland.

Bakoze imihango yibukije benshi umuco w’u Rwanda nko guha abana amata, guhamiriza, ibyivugo n’indi migenzo igaragaza ubudasa bw’umuco Nyarwanda.

Amb. Nkulikiyinka yavuze ko ubwitabire buri ku kigero cyo hejuru ari ikimenyetso ko batibagiwe inkomoko yabo kandi biyumvamo ubunyarwanda mbere y’ibindi byose.

Yakomeje avuga ko kwidagadura ari ngombwa ariko na none bidakwiye kuba umwanya wo gusabana gusa ahubwo bakwiye kuvanamo imbaraga zituma barushaho gushyira hamwe ngo bagire uruhare mu kubaka u Rwanda.

Ati “Uwo musanzu wa buri wese urakenewe, kandi ndabizi ko nimushyira hamwe nkuko mwagaragaje ko mubishoboye, muzagera kuri byinshi.”

Umuyobozi w’Ihuriro ry’Abanyarwanda baba muri Suède, Eugène Bushayija yavuze ko ababa muri iki gihugu bakurikiranira hafi ibibera mu Rwanda kandi biyemeje gutanga umusanzu wabo mu iterambere rikomeje kugerwaho.

Abitabiriye ibi birori kandi bemeje ko iby’umwaka utaha wa 2017 bizabera muri Finland.

Umuyobozi uhagarariye Abanyarwanda baba muri iki gihugu, Issa Dufatanye akaba yavuze ko umuganura ubafasha kurushaho kuzirikana inkomoko n’umuco wabo.

Abitabiriye ibi birori byo kwizihiza umuganura basusurukijwe n’Umuhanzi Diana Teta n’abandi baturutse mu bihugu bigize Scandinavia.

Abana bahawe amata
Abitabiriye ibirori by'umuganura basusurukijwe n'imbyino za Kinyarwanda
Bacinya akadiho
Abari n'abategarugori bari bakenyeye bya Kinyarwanda
Teta Diana(uwa Gatatu uvuye iburyo) ari mu bahanzi basusurukije abitabiriye ibirori by'umuganura
Umuhanzi Big Farious(hagati) nawe yagaragaye muri ibi birori byo kwizihiza umunsi w'umuganura
Abitabiriye ibi birori bafashe umwanya wo gusangira nkuko byakorwaga mu muco Nyarwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved