Kwamamaza

Norvège : Urubyiruko rw’abanyarwanda rwibukijwe uruhare mu kwiyubakira ahazaza

Yanditswe kuya 23-08-2016 saa 21:47' na Karirima A. Ngarambe


Mu rwego kubafasha gutegura ejo hazaza hakiri kare,urubyiruko rw’abanyarwanda baba muri Norvège rwaganirijwe ku ruhare rwabo mu iterambere bakomeza kwiyubakira ahazaza heza kuko bafite ubushobozi bwo kwihindurira amateka.

Ibi uru rubyiruko rwiganjemo abafite hagati y’imyaka 14-25 rwabiganirijwe mu nama yabaye ku itariki ya 13 Kanama 2016, iteguwe n’Umuryango uharanira impinduka no guteza imbere umuco nyarwanda(New Generation for Better Change).

Yari ifite insanganyamatsiko igira iti “Uburyo abantu basanzwe bashobora gukora ibidasanzwe aho bari hose.

Moses Gashirabake asobanura iyi nsanganyamatsiko yabwiye urubyiruko ko ari bo bagomba kugira uruhare mu kwihindurira amateka kandi ko kugira icyo umuntu ageraho gihambaye bidasaba kuba yaravutse i Bwami.

Pastor Harrison Makenga na we wabaganirije ku kijyanye n’ejo heza yababwiye ko bakwiye kwirinda ibiyobyabwenge n’ibindi byose byabarangaza bigatuma batagera aho bifuza.

Yakomeje ababwira ko bakwiye gushyira imbere amasomo yabo kuko badateze kugera ku ntsinzi batabiharaniye.

Umuhanzi Jean Paul Sambutu wari waje kubataramira yabahaye ubuhamya ku mateka mabi ya Jenoside yakorewe abatutsi mu Rwanda muri Mata 1994 abasaba kwimakaza umuco w’urukundo n’amahoro aho bari hose ndetse bakarangwa no gutanga imbabazi.

Fify Mukundwa washinze umuryango New Generation for Better Change yavuze ko intego yabo ari guhuza urubyiruko n’abakiri bato kugira ngo babashe kurushaho kumenyana no kunga ubumwe ndetse banafatanye gutegura ejo hazaza heza.

Yakomeje avuga ko urubyiruko rutari abanyarwanda na rwo rudahejwe kuko uretse ibiganiro nk’ibi banigisha ababyifuza Ikinyarwanda n’umuco nyarwanda.

Uretse ibiganiro bitandukanye urubyiruko rwahawe hanabaye igitaramo cyitabiriwe n’urubyiruko rufite inkomoko mu bihugu bitandukanye birimo Nigeria, Kenya, Congo n’itorero Indatwa ry’abanyarwanda.

Intore Sam Kwizera na Samputu na bo bari mu basusurukije abari bitabiriye iki gitaramo.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved