00:00:00 IGIHE NETWORK KN KINYARWANDA EN ENGLISH FR FRANCAIS

Ibyaranze umunsi wa kabiri w’imurikagurisha ry’indabo u Rwanda rwitabiriye mu Buholandi (Amafoto)

Yanditswe na Karirima A. Ngarambe
Kuya 5 Ugushyingo 2021 saa 06:24
Yasuwe :
0 0

U Rwanda rwitabiriye imurikagurisha mpuzamahanga ry’indabo ribera mu Buholandi rizamara iminsi itatu uhereye ku wa 3 Ugushyingo 2021 aho umunsi waryo wa kabiri wahariwe ibiganiro n’abafatanyabikorwa.

Ikigo Bella Flowers gikora ibijyanye n’ubuhinzi n’ubucuruzi bw’indabo, gifite icyicaro mu Karere ka Rwamagana, ni cyo cyaserukiye u Rwanda muri iri murikagurisha ribera i Vijfhuizen hafi ya Amsterdam.

Uretse ibikorwa byo kumurika indabo nziza z’u Rwanda, umunsi wa kabiri wabayemo n’ibiganiro n’abafatanyabikorwa batandukanye barimo Air France KLM. Iki kigo gikora ubwikorezi mu ndege gisanzwe ari umufatanyabikorwa na Bella Flowers mu bijyanye no gutwara indabo zoherezwa mu mahanga.

Ambasaderi w’u Rwanda mu Buholandi, Olivier Nduhungirehe, yatangaje ko kugirana ibiganiro n’abafatanyabikorwa bigamije kurushaho guteza imbere ubucuruzi bw’indabo zihingwa mu Rwanda.

Iri murikagurisha ribaye ku nshuro ya 11, u Rwanda rukaba rwararyitabiriye ku nshuro ya gatanu.

Nk’uko Ambasaderi Nduhungirehe yabitangaje mu ifungurwa ry’iri murikagurisha, ryitabiriwe n’abagera kuri 300 baturuka mu bihugu 30 mu gihe abasura ibice birigize bagera ku bihumbi 25 baturuka mu bihugu 100.

Abamurika ku ruhande rw'u Rwanda bagize umwanya wo gusura n'izindi stands zimurikirwaho indabo zavuye mu bindi bihugu
Abitabira iki gikorwa cyo kumurika indabo z'amaroza baturuka mu bihugu byo hirya no hino ku isi
Jeanine Kayihura, Umuyobozi Mukuru ushinzwe Ubucuruzi no Kwamamaza muri Bella Flowers, Michel Minega Sebera, Umujyanama Mukuru muri Ambasade y’u Rwanda mu Buholandi n’Umunyamabanga wa Mbere muri Ambasade, Jean Hugue Mukama nyuma y’ibiganiro n’abahagarariye Air France KLM
Jeanine Kayihura, Umuyobozi Mukuru ushinzwe Ubucuruzi no Kwamamaza muri Bella Flowers, Michel Minega Sebera, Umujyanama Mukuru muri Ambasade y’u Rwanda mu Buholandi n’Umunyamabanga wa Mbere muri Ambasade, Jean Hugue Mukama, Ambroise Ngabonziza na Likizo Willem
Indabo zimurikwa muri iri murikagurisha ziteye ubwuzu
Zimwe mu ndabo zamuritswe ku munsi wa kabiri
Buri gihugu cyigira ku kindi uko cyateza imbere ubuhinzi n'ubucuruzi bw'indabo
Ubucuruzi bw'indabo buri mu bibyara amafaranga menshi iyo bukozwe neza

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .