Kwamamaza

Gakenke:Diaspora ya Centrafrique yishyuriye mituweli abaturage 500

Yanditswe kuya 21-11-2016 saa 19:26' na Karirima A. Ngarambe


Diaspora Nyarwanda muri Centrafrique yashyikirije ubuyobozi bw’akarere ka Gakenke inkunga ya mituweli ku bantu 500 bahuye n’ibiza byatewe n’imvura mu minsi yashize, tariki ya 18 Ugushyingo 2016.

Nk’uko bitangazwa na Bumbakare Pierre Celestin Chairman wa Diaspora Nyarwanda muri Centrafrique, iyo nkunga yatanzwe n’abanyarwanda baba muri iki gihugu barimo abikorera ku giti cyabo, abakora mu miryango itegamiye kuri leta, abasirikare n’abapolisi bari mu butumwa bwo kubungabunga amahoro.

Bumbakare avuga ko mu cyumweru gitaha bazatanga ibikoresho by’ishuri ku bana 350 b’abanyeshuri bari mu mwaka wa nyuma w’amashuri abanza birimo amakayi, imbaho, amakaramu n’ingwa muri Centrafrique bahuye n’ingaruka z’intambara yabaye muri iki gihugu.

Akomeza avuga ko bazanafasha bamwe mu banyarwanda baba muri iki gihugu batishoboye nabo intambara yabaye yagizeho ingaruka.

Imvura idasanzwe yaguye mu Karere ka Gakenke muri Gicurasi uyu mwaka yahitanye ubuzima bw’abagera kuri 34, isiga benshi bavuye mu byabo, abandi batakigira aho bakinga umusaya n’ibyabo biratwarwa.

Hegitari 1632 z’ubutaka zatwawe n’inkangu, amatungo agera kuri 777 arapfa n’inzu 1425 zirangirika zikaba zirimo izasenyutse burundu n’izangiritse igice kimwe.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved