Abanyarwanda mu mahanga mu myiteguro ikomeye yo kwakira Perezida Kagame

Yanditswe na Richard Dan Iraguha
Kuya 15 Nzeri 2015 saa 09:36
Yasuwe :
0 0

Abanyarwanda n’inshuti zabo batuye ku mugabane w’u Burayi bari mu myiteguro mu gihe hasigaye iminsi ibarirwa ku ntoki ngo igikorwa cya ‘Rwanda Day’ gitangire mu Buholandi, ahateganyijwe guhurira abarenga ibihumbi bine, bazitabira bakaganira imbona nkubone na Perezida Kagame tariki ya 3 Ukwakira 2015.

Abahagarariye u Rwanda mu bihugu byo ku mugabane w’u Burayi n’abayobozi ba Diaspora bavuga ko imyiteguro iri kugenda neza, ndetse abantu biteguye kuzahanyurana umucyo.

Ambasaderi Jacques Kabale uhagarariye u Rwanda mu Bufaransa, u Butariyani, Portugal, Grece na Monaco

Ambasadeli Jaques Kabale yagize ati: "Abanyarwanda batuye mu Bufaransa n’u Butaliyani bakiranye ibyishimo byinshi inkuru nziza yo kongera kwitabira igikorwa cya Rwanda Day kizabera mu Buholandi, aho bazongera bakabona umwanya wo kuganira na Perezida Paul Kagame, urasanga bafite ubushake. Twe nka Ambasade tukimara kumenya amatariki twahuye nabo tubibagezaho tunyuze mu mashyirahamwe atandukanye abahuza ariko iyo urebye kubera inyota nyinshi bafitiye yo kubonana na Perezida Kagame, igikorwa bakigize icyabo rwose, barimo barashyira ibintu kuri gahunda mu buryo bushimishije.”

Yakomeje avuga ko usibye abazaturuka mu Bufaransa, hari n’abandi bazaturuka mu Butaliyani cyane cyane mu Mijyi nka Rome na Milan, imyiteguro ikaba irimo igenda neza kandi biritabirwa ku bwinshi.

Ati “Ubu tumaze kugera ku bantu 300 bazitabiriya Rwanda Day mu Buholandi"

Nkulikiyinka Christine uhagarariye u Rwanda mu Gihugu cya Sweden, Norvège, Finnland, Danamark na Iceland

Amb. Christine Nkurikiyinka uhagarariye u Rwanda muri Suède we yagize ati “ Urabona ko ari ibintu bibashishikaje kuko baherukaga no kwitabira Rwanda Day yabereye London."
Yakomeje avuga ko ikintu gitangaje ari ukuntu usanga batitaye ku birometero byinshi cyane biri hagati yabo baba no mu Buholandi ati kuko ‘kuva muri ibi bihugu bya Suède, Norvège, Finnland, Danmark na Iceland ni kure hari urugendo rw’amasaha agera kuri 17 muri Bus, ni icyerekana ko koko bishimiye kuzajya kuganira na Perezida Paul Kagame.’

Musare Faustin Chargé d'Affaires muri Ambasade y'u Rwanda mu Bubiligi

Musare Faustin Chargé d’Affaires muri Ambasade y’u Rwanda mu Bubiligi nawe yagize ati: “ Hano mu Bubiligi turateganya ko hazava Abanyarwanda bagera ku bihumbi 3000, kandi amashyirahamwe atandukanye bageze kure bitegura kwakira ibikorwa nka biriya cyane ko mu Bubiligi babyumva vuba bamaze kubigiramo ubunararibonye dore ko hari n’Abanyarwanda benshi.”
Yakomeje avuga ko nka Ambasade icyo bakora ari ukubaha amakuru baba bakeneye kuko ibindi babyikorera mu rwego rwa za Diaspora n’andi mashyirahamwe atandukanye ahuza Abanyarwanda.
Musare akomeza avuga ko nk’ibisanzwe mu Buholandi bigaragara ko bazahaserukana umucyo, cyane ko ari na hafi yabo.

Providence Tuyisabe uyobora Diaspora Nyarwanda mu Budage

Uyobora Diaspora Nyarwanda mu Budage, Providence Tuyisabe, yavuze ko Abanyarwanda baba mu Budage batazatangwa no kujya kwakira no kuganira na Perezida Kagame muri Rwanda Day 2015 mu Buholandi, ko barimo kwitegura ku buryo hamaze kwiyandikisha abarenga 100.

Amb. Mukantabana Mathilde, uhagararaiye u Rwanda muri USA

Ambasaderi Mukantabana Mathilde, uhagarariye u Rwanda muri Leta Zunze Ubumwe za Amerika nawe yabwiye IGIHE ko hari Abanyarwanda batari bake bari kwitegura kujya mu Buholandi kuganira na Perezida Kagame.

Usibye Abanyarwanda baba mu mahanga kandi Rwanda Day izitabirwa n’Abanyarwanda bazatuka mu Rwanda harimo abanyapolitiki abikorera ku giti cyabo n’abandi.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza