Abanyarwanda batuye muri Turikiya bishimiye intsinzi ya Perezida Kagame

Yanditswe na IGIHE
Kuya 22 Kanama 2017 saa 03:16
Yasuwe :
0 0

Umuryango w’Abanyarwanda batuye muri Turikiya, bishimiye cyane kuba Perezida Kagame yarahundagajweho amajwi akegukana intsinzi yo kuyobora igihugu mu myaka irindwi iri imbere.

Bizimana Hussein ukuriye komite ihagarariye Abanyarwanda batuye muri Turikiya yifurije Nyakubahwa Paul Kagame ishya n’ihirwe mu kazi katoroshye yongeye gutorerwa ko gukomeza kuyobora Abanyarwanda mu nzira yatangije y’iterambere rirambye kandi rigera kuri bose.

Ku itariki ya 3 Kanama 2017, nk’abandi Banyarwanda batuye hanze y’igihugu, Abanyarwanda batuye muri Turikiya nabo batoye Paul Kagame ku kigereranyo cya 99.34 %. Ubwitabire mu matora bwari ku kigereranyo cya 102 % kuko uretse abari kuri lisite y’Itora basanzwe batuye muri Turikiya bagera kuri 200, habonetse abandi Banyarwanda bujuje ibyangobwa bari muri Turikiya mu bikorwa bitandukanye batoreye ku mugereka.

Abanyarwanda batuye muri Turikiya bakaba barishimiye intsinzi ya Perezida Paul Kagame ndetse banamusezeranya nk’ urubyiruko ko bazafata iya mbere mu kumushyigikira muri iyi manda y’imyaka irindwi atangiye.

Uhagarariye u Rwanda muri Turikiya, Nyakubahwa Nkurunziza Williams mu gihe cy’amatora ya perezida ku italiki ya 3 Kanama 2017 i Ankara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza