Kwamamaza

Abanyarwanda baba muri Amerika basabwe kutibona mu ndorerwamo z’amoko

Yanditswe kuya 14-08-2016 saa 08:04' na IGIHE


Abanyarwanda b’ingeri zose bitabiriye igiterane ngaruka mwaka cy’iminsi itatu cyiswe Rwanda Christian Convention basabwe kuba umusemburo w’Ubumwe, Amahoro n’Urukundo bakirinda ikintu cyose cyatuma bibona mu ndorerwamo z’amoko.

Aba banyarwanda basabwe kwirengagiza amoko abatandukanya maze bagakorera hamwe mu kubaka igihugu.

Iki giterane cyahuzaga Abanyarwanda bo muri Amerika na Canada cyabaye ku matariki ya 5-7 Kanama 2016, i Texas ho muri Leta Zunze Ubumwe za Amerika.

Ambasaderi w’u Rwanda i Washington muri Leta Zunze Ubumwe z’Amerika, Mathilde Mukantabana wari umushyitsi mukuru yibukije abitabiriye igiterane ko nk’abakirisitu bafite inshingano yo kubaka igihugu cyababyaye.

Yabasabye kubera abandi urumuri rw’amahoro kuruta kwitwa umututsi,umuhutu cyangwa umutwa.

Ambasaderi Mukantabana yagize ati “Umuntu uwo ariwe wese ashobora kwiyita uko ashatse cyangwa akiyitirira icyo aricyo cyose ariko sibyo igihugu gishyize imbere. Igihugu gishyize imbere agaciro k’umunyarwanda kurusha ibindi byose. Umukirisitu nyawe ni urangwa n’urukundo rutavangura amoko, ufite ishyaka ryo kubaka igihugu cye.”

Yongeyeho ati “Igihe kirageze ubwo Abanyarwanda bagomba kurangwa n’urukundo rutarimo uburyarya, bakiga kutarenzaho bagaha imbaraga ibibahuza, bakima amajwi ibibatandukanya bityo bakamenyekana nk’ubwoko burangwa n’urukundo.”

Yakomeje avuga ko ibyo ‘Rwanda Christian Convention’ ikora byo guhuza Abanyarwanda bidatandukanye n’ibyo igihugu gikora maze aboneraho umwanya wo kubizeza ubufatanye no kubashyigikira mu bikorwa byiza bakora byo guhuza Abanyarwanda.

Mu bindi byagiye bigarukwaho mu biganiro by’amatsinda no mu nyigisho zatanzwe, abigisha bibanze ku kuvugako ubumwe bw’Abanyarwanda ari bwo bukwiye gushyirwa imbere kandi ko Kirisito ari cyo gisubizo.

Mu bandi batanze ubutumwa muri iki giterane harimo Bishop John Rucyahana wari mu bashyitsi baturutse mu Rwanda. We yatanze umukoro ku banyarwanda ababibutsa gusubira ku isoko bagakeza ubwiza bw’iyo bakomokaho ari yo ‘kanyarwanda’.

Yabasabye gufata gahunda ihamye yo kwegera bagenzi bagakorera hamwe nk’Abanyarwanda, bagahuza imbaraga bityo bakamurikira n’abanyamahanga agaciro kabo.

Rucyahana yasoje yingingira Abanyarwanda bitwa ko ari abakirisitu kujugunya inkota y’amacakubiri ntibabe nka Petero wagendanaga na Yesu nyamara afite inkota.

Iki giterane cyarimo Abanyarwanda bakabakaba magana atanu cyasusurukijwe n’abahanzi b’Abanyarwanda bafite impano barimo Aline Gahongayire, Aimee Uwimana, Willy Uwizeyimana, Rushimisha Romulus n’abandi.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved