Abanyarwanda baba i Paris batanze Miliyoni 24 mu Kigega Agaciro

Abanyarwanda baba i Paris batanze Miliyoni 24 mu Kigega Agaciro


Yanditswe kuya 27-11-2012 - Saa 06:53' na Karirima A.Ngarambe

Ubwo hafungurwaga ku mugarararo Ikigera Agaciro Development Fund mu gihugu cy’u Bufaransa, Abanyarwanda n’inshuti zarwo bari bakitabiriye ku ikubitiro bakusanyije miliyoni zigera kuri 24 z’Amafaranga y’u Rwanda.

Uyu muhango wabaye tariki ya 24 ugushyingo i Paris mu Bufaransa Abanyarwanda n’inshuti zabo bitabiriye i gikorwa cyo gushyigikira no gufungura ku mugaragaro Ikigega Agaciro, ukaba warayobowe n’Ambasaderi w’u Rwanda mu Bufaransa Kabare Jacques n’abo bakorana muri iyo Ambasade bafatanyije na Diaspora Nyarwanda mu Bufaransa.

Icyo gikorwa cyo gutangiza Ikigega Agaciro cyabereye mu Mujyi wa Paris ahitwa salle Barbara yo mu gace ka Saint Ouen, kitabirwa n’Abanyarwanda batari bake, ndetse n’inshuti z’u Rwanda.

Mu ijambo Ambasaderi Kabare yagejeje yassimye kuba bitabiriye icyo gikorwa kandi ko azi neza ko baturuka mu turere dutandukanye twa kure turi kure y’umugi wa Paris, ati « Ibi byerekana urukundo n’ubushake mufite bwo guteza imbere igihugu cyanyu cy’u Rwnda ».

Kabare yakomeje yibutsa impamvu y’icyo Kigega Agaciro n’uko cyagiyeho anasobanura ijambo Agaciro icyo rishatse kuvuga k’Umunyarwanda w’uyu munsi, ati « u Rwanda ubu ruraca mu bigeragezo byinshi ariko dufatanyije nk’uku mwabikoze ntacyatunanira.

Yerekana ko muri iyo gahunda ya 2020 hari byinshi bimaze kugerwaho haba mu rwego rw’ubuvuzi, uburezi ndetse no guteza imbere igitsina gore mu ntambwe igana amajyambere, ati « Ibisigaye hari byinshi bizagerwaho mbere ya 2015 nko gukwirakwiza amazi meza mu turere twose tw’u Rwanda.

Ambasaderi Kabare yakomeje yerekana ko Ikigega Agaciro ari bumwe mu buryo bwo kwerekana aho Abanyarwanda bashaka kugana, no kuganisha igihugu cy’u Rwanda.

Mu bashimwe cyane harimo abahanzi nka Ben Kayiranga, Gaele Faye, Big Dom, Immaculée Ramatali, Itorero Mpore, na Itorero Tetana anashimira kandi « Brussels Airlines » yatanze tike y’indege Paris-Kigali yatombowe na Twahirwa André Umunyarwanda utuye mu Bufaransa.

Ikintu cyashimishije kikanatungura abaraho bose, n’umwana w’imyaka 10 witwa Beni Ndayisaba warumaze imyaka 2 yibikira udufaranga mu gasanduku ke, agahitamo kudushyira mu Kigega Agaciro (Ayo yatanze abarirwa mu bihumbi 65 by’Amanyarwanda).

Ndayisaba Beni umwana w'imyaka 10 nawe yatanze inkunga
Hari uwatomboye tike y'indege imuzana i Kigali

Foto:Karirima A. Ngarambe

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO