USA: Ishimwe w’imyaka 17 yatawe muri yombi ashinjwa kwica mugenzi we

Yanditswe na Dufitumukiza Salathiel
Kuya 20 Werurwe 2021 saa 09:31
Yasuwe :
0 0

Ishimwe Eric uba mu Mujyi wa Nashville muri Leta Zunze Ubumwe za Amerika yatawe muri yombi na polisi y’icyo gihugu ashinjwa ubwicanyi bukoreshejwe intwaro.

WKRN yatangaje ko Ishimwe yafashwe n’inzego z’umutekano ku wa Gatatu w’iki Cyumweru, biturutse ku rupfu rwa Niyibizi Kevin wasanzwe mu rugo rwo kwa Ishimwe yishwe arashwe mu gituza.

Inzego z’umutekano zavuze ko Ishimwe yabajijwe impamvu yarashe mugenzi we w’imyaka 16, asobanura ko bari barimo gukinisha imbunda Niyibizi yari yazanye, maze birangira Ishimwe akoze mu mbarutso imbunda yerekeye nyakwigendera aba ahasize ubuzima.

Ishimwe w’imyaka 17 yahise ajyanwa mu kigo ngororamuco aho akurikiranyweho icyaha cyo kwica umuntu.

Bivugwa ko uyu musore Ishimwe afite inkomoko mu Rwanda.

Aho ubu bwicanyi bwabereye Polisi yahise ihatangirira iperereza / Ifoto: Nashville.gov
Ishimwe Eric yatawe muri yombi ashinjwa ubwicanyi bukoresheje intwaro/ Ifoto: Wkrn

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .