00:00:00 IGIHE NETWORK KN KINYARWANDA EN ENGLISH FR FRANCAIS

USA: Abasore bane b’abanyarwanda bakurikiranyweho gufata ku ngufu umwana w’imyaka 15

Yanditswe na Muhonzire Sylvine
Kuya 8 Nzeri 2021 saa 01:25
Yasuwe :
0 0

Abasore bane b’abanyarwanda batuye muri Leta Zunze Ubumwe za Amerika, bakekwaho gufata ku ngufu umwana w’umukobwa ufite imyaka 15 mu Mujyi wa Midvale muri Leta ya Utah.

Amakuru avuga ko aba basore bashutse uwo mwana bakamujyana ku nyubako ya Midvale Apartment Complex bakamufata ku ngufu.

Kuwa Kane tariki 2 Nzeri 2021 nibwo Polisi yo mu Mujyi wa West Valley yahamagawe ibwirwa ko hari umuntu washimutiwe mu nyubako ya Midvale.

Uwahamagaye polisi ngo yakiriye ubutumwa bwoherejwe n’uwo mwana w’imyaka 15 ku mbuga nkoranyambaga, avuga ko yajyanywe kuri iyo nyubako atabishaka ndetse ko yafashwe ku ngufu n’abagabo benshi.

Polisi ngo yahise ishakisha neza aho ubwo butumwa bwaturutse babona ni ku nyubako ya Midvale Apartment Complex ariko yitwa ‘7650 Euro Drive’.

Bagiyeyo basanga hari abasore batatu b’abanyarwanda, umwe w’imyaka 33, undi wa 22 n’uwa 25.

Polisi yaberetse ifoto y’uwo mwana w’umukobwa ibabaza aho ari, bavuga ko ari muri iyo nyubako n’inshuti ye. Uwo bavugaga ni undi musore w’imyaka 26.

Yahise ijya ku muryango w’icyumba irakomanga banga gukingura, ariko kuko umuryango w’aho bari bari utari ufunze, Polisi yarinjiye isanga uwo musore aryamanye n’uwo mwana mu gitanda.

Itangazo rya Polisi yo muri West Valley rivuga ko ubwo bahageraga basanze uwo mwana ameze nk’uwataye ubwenge bigaragara ko yari yanyweshejwe ibiyobyabwenge.

Hahise hitabazwa imbangukiragutabara ajyanwa kwa muganga ariko ajyana n’umwe mu bapolisi baje gufata abo basore.

Bari mu nzira, uwo mwana wari umeze nk’uwataye ubwenge yagendaga avuga ngo ‘bamfashe ku ngufu kandi nta mbaraga zihagije nari mfite zo kubiyaka.’

Polisi yabajije abo basore, isanga batatu muri bo nibo baryamanye nawe, naho undi yabafashije kuzana uwo mwana.

Ubu abo batatu bafungiwe kuri Gereza ya Salt Lake County bakurikiranweho gusambanya umwana ku ngufu, mu gihe mugenzi wabo we akurikiranweho ubufatanyacyaha mu cyaha cyo gufata ku ngufu.

Midvale Apartment Complex niyo nyubako uyu mwana yafatiwemo ku ngufu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .