U Bufaransa: Byari ibyishimo ku banyarwanda by’umwihariko ku batoye bwa mbere(Amafoto)

Yanditswe na Karirima A. Ngarambe
Kuya 3 Kanama 2017 saa 08:09
Yasuwe :
0 0

Nk’uko byagenze ku banyarwanda batuye hirya no hino mu mahanga bitabiriye amatora y’umukuru w’igihugu kuri uyu wa 3 Kanama 2017, abo mu Bufaransa na bo bari babukereye, by’umwihariko abatoye ubwa mbere bagaragaje ko bishimiye ko bashoboye kwihitiramo uzayobora igihugu cyababyaye muri manda y’imyaka irindwi iri imbere.

Doris Nyiridandi watoye bwa mbere mu buzima bwe yavuze ko anejejejwe no gutora kuko abyemerewe kandi noneho yishimiye kugira uruhare mu kubaka u Rwanda.

Ibi byongeye gushimangirwa na Kabale Divine na we watoye bwa mbere mu buzima bwe.

Agnès Savigneau na Kwizera Jocelyne, abanyarwanda b’abavandimwe batuye mu Bufaransa na bo bagaragaje uko bakiriye iki gikorwa.

Agnes Savigneau yagize ati “ Navukiye mu buhunzi mu Burundi,muri 2008 natse ibyangogmbwa by’u Rwanda mbibona muri 2010; muri uwo mwaka sinigeze mbasha gutora kuko nari mu ngendo ubu rero ndishimye kandi ni ikintu gikomeye cyane kuri twe kuko uyu munsi ni amateka mu buzima bw’igihugu ariko kandi ni n’amateka mu buzima bwacu. Umbabarire kuko ibi ndabivugana ikiniga gikomeye, kuva 1981 natoraga nk’Umufaransa ariko uyu munsi nongeye kumva ko mfite igihugu kandi nihityemo uzakiyobora mu myaka iri imbere.”

Kwizera Jocelyne yagize ati “ Njyewe aya matora ni ikimenyetso gikomeye kuko iyo urebye aho ubuyobozi bumaze 23 bugejeje u Rwanda, wumva wishimiye kubigiramo uruhare nk’uru rwo kwitorera umuyobozi.”

Ambasaderi w’u Rwanda mu Bufaransa, Jacques Kabale, yatangaje ko yishimiye uburyo Abanyarwanda batuye muri iki gihugu bitabiriye amatora.

Mu Bufaransa hari ibiro by’itora bibiri Paris na Lyon, biteganyijwe ko hatorera Abanyarwanda 527.

Kuri Ambasade y'u Rwanda mu Bufaransa
Ambasaderi w'u Rwanda mu Bufaransa, Kabale Jacques
Doris Nyiridandi yishimiye gutora ubwa mbere mu buzima bwe
Kabale Divine yavuze ko yishimiye kugira uruhare mu kwihitiramo umuyobozi w'u Rwanda muri manda iri imbere
Agnès Savigneau Kwizera na Jocelyne ni Abanyarwanda bava inda imwe batuye mu Bufaransa
Baxas Anais Mutoni

Uko bayri byifashe ku batoreye mu Mujyi wa Paris

Si i Paris gusa kuko n'abatuye i Lyon bitabiriye amatora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza