Suède: Abanyarwanda bahuriye mu birori bishimira intsinzi ya Perezida Kagame

Yanditswe na Karirima A. Ngarambe
Kuya 3 Ukwakira 2017 saa 01:00
Yasuwe :
0 0

Abanyarwanda batuye muri Suède bahuriye mu birori byo kwishimira ko Perezida Paul Kagame yongeye gutorerwa kuyobora u Rwanda mu matora yo muri Kanama 2017.

Ibi birori byateguwe n’ ubuyobozi bw’Umuryango Nyarwanda muri Suède byabaye kuwa 30 Nzeri 2017, byitabirwa n’Abanyarwanda benshi n’ inshuti zabo.

Ambasaderi w’u Rwanda muri Suède, Nkulikiyinka Christine, yashimiye Abanyarwanda ko bitabiriye amatora ari benshi, bagatora neza bitonze.

Yababwiye ko ubudasa bwa Prezida wa Republika y’u Rwanda bihitiyemo bumaze kumenyekana no hanze y’u Rwanda, byanagaragariye mu muhango wo kurahira kwe kwitabiriwe n’abakuru b’ibihugu barenga 20.

Ambasaderi yibukije Abanyarwanda batuye muri Suède ko kwizihiza intsinzi bikurikirwa no gushyira mu bikorwa gahunda ya manda nshya batoreye Umukuru w’Igihugu, kubw’ibyo buri wese akaba asabwa kwibaza uruhare yagira mu iterambere ry’u Rwanda.

Bushaija Eugene uyobora Umuryango Nyarwanda muri Suède, yashimiye uburyo bitabiriye ibirori byo kwishimira intsinzi, ati “Nibwo bwa mbere tugize ubwitabire bushimishije nk’ubu.”

YasabyeAbanyarwanda gukomeza kwishyira hamwe no gutanga umusanzu mu kubaka igihugu cyabo.

Abanyarwanda muri Suède bahuriye mu birori byo kwishimira ko Perezida Kagame yatorewe indi manda y'imyaka irindwi
Miss Rwanda Elsa Iradukunda uri muri Suède nawe yitabiriye ibirori
Ambasaderi w’u Rwanda muri Suède, Nkulikiyinka Christine na Miss Elsa Iradukunda
Miss Iradukunda aganira na Bushaija Eugene uyobora Umuryango Nyarwanda muri Suède

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza