Kwamamaza

Mushikiwabo yeretse abanyarwanda bo muri Canada aho igihugu cyabo kigeze mu iterambere

Yanditswe kuya 19-09-2016 saa 21:56' na Karirima A. Ngarambe


Umuryango w’Abanyarwanda baba muri Canada (Rwandan Community Abroad-Canada,RCA-Canada) ufatanyije na Ambasade y’u Rwanda muri icyo gihugu, bahuriye hamwe mu gikorwa cyiswe "Rwanda Women Convention" cyari cyahuriyemo abanyarwanda baba muri iki gihugu ndetse na bamwe mu bayobozi bari baturutse mu Rwanda.

Iyi nama y’iminsi ibiri yabaye Tariki ya 16 kugeza 17 Nzeri 2016.

Shakilla Umutoni, Umuyobozi Ushinzwe ibikorwa bya Ambasade y’u Rwanda muri Canada, yashimiye cyane Perezida wa Repubulika y’u Rwanda, Paul Kagame, wabashije kubagenera abayobozi bo kwifatanya nabo ndetse no kubaganiriza.

Minisitiri w’Ububanyi n’Amahanga w’u Rwanda, Louise Mushikiwabo, wari Umushyitsi Mukuru muri uwo muhango, mu kiganiro yatanze cyari gifite insanganyamatsiko igira iti ’Inzira nyinshi zitandukanye ariko ziganisha hamwe’, yatanze ishusho ya gahunda zitandukanye z’ibibera mu Rwanda mu rwego rw’ubukungu, iterambere, mu bubanyi n’amahanga, umuco nyarwanda n’ibindi.

Minisitiri Mushikiwabo yahaye inama abari bitabiriye uwo muhango abasaba kugira ubwihanganirane muri bikorwa byose no mu ngo zabo by’umwihariko.

Abitabiriye ibi biganiro kandi bongeye kugaragarizwa uko umugore yahawe ijambo mu Rwanda, aho bagize 64% by’abagize Inteko Ishinga Amategeko y’u Rwanda. Banabwiwe ko umugore usanzwe w’umunyarwanda na we amaze gutera imbere mu buzima bwe bwa buri munsi, aho afite uburenganzi bwo kuzungura imitungo, gufata ibyemezo mu rugo n’ibindi.

Banakanguriwe no gukomera ku muco bawukangurira kandi banawutoza abato bakurira cyangwa bakavukira mu mahanga.

Abanyarwanda baba muri Canada bagize umwanya wo kwizihiza umuganura, abana bahabwa amata, abakuru na bo bishimira umusaruro basangira amafunguro mu busabane bwanasusurukijwe n’abahanzi b’abanyarwanda berekanye umuco babicishije mu ndirimbo.

Abandi bayobozi bari baherekeje Minisitiri Mushikiwabo muri uyu muhango, barimo Minisitiri w’Uburinganire n’Iterambere ry’Umuryango, Diane Gashumba, Depite Jean Marie Vianney Gatabazi na Depite Marie Rose Mureshyankwano.

Depite Gatabazi hamwe n'abandi bari bitabiriye iki gikorwa
Abahanzi nyarwanda basusurukije abari aho baririmba indirimbo nyarwanda
Shakilla Umutoni, Umuyobozi Ushinzwe ibikorwa bya Ambasade y’u Rwanda muri Canada
Minisitiri Dr Diane Gashumba ageza ubutumwa ku bari bitabiriye uyu muhango
Minisitiri Mushikiwabo ubwo yagera ahari hateraniye aba banyarwanda
Minisitiri Mushikiwabo aramukanya na Depite Gatabazi
Minisitiri Mushikiwabo yahawe ishimwe n'abanyarwanda bo muri Canada
Minisitiri Mushikiwabo yeretse abanyarwanda baba muri Canada aho igihugu cyabo kigeze mu iterambere
Minisitiri Mushikiwabo aha amata abana mu rwego rwo kwizihiza umuganura
Bagize umwanya wo kwidagadura bacinya akadiho kinyarwanda
Abayobozi bakuru bari baturutse mu Rwanda bashimye uko bakiriwe muri iki gihugu

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved