00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri Dr Vincent Biruta yagiranye ibiganiro n’Abanyarwanda baba muri Turukiya

Yanditswe na Bukuru JC
Kuya 10 Nzeri 2021 saa 09:14
Yasuwe :
0 0

Minisitiri w’Ubabanyi n’Amahanga w’u Rwanda, Dr Vincent Biruta, uri mu ruzinduko rw’akazi muri Turikiya yagiranye ibiganiro n’Abanyarwanda baba muri iki gihugu.

Ambasade y’u Rwanda muri Turikiya avuga ko Minisitiri Biruta yagaragarije aba Banyarwanda isura y’uko igihugu cyabo gihagaze uyu munsi ndetse abasaba gukomeza kubungabunga isura yacyo no kwimakaza indangagaciro z’Abanyarwanda.

Minisitiri Biruta ari muri Turikiya ku butumire bwa Minisitiri w’Ububanyi n’Amahanga w’iki gihugu, Mevlüt Çavuşoğlu.

Ambasaderi wa Turikiya mu Rwanda, Burcu Çevik, yabwiye Ibiro Ntaramakuru by’Abanya-Turikiya, ko yizeye ko uruzinduko rwa Dr Biruta ruzarushaho gushimangira umubano mwiza igihugu cye cyari gifitanye n’u Rwanda.

Ati “Aba ba Minisitiri babiri baherukaga guhura muri Kanama, mu Butaliyani ubwo bitabiraga Inama y’Abaminisitiri b’Ububanyi n’Amahanga b’ibihugu biri muri G20.”

Yavuze ko umuvuduko w’iterambere ry’u Rwanda ariwo uri gutuma Turikiya yifuza gukorana narwo.

Ati “Kubera umutekano n’umutuzo, uburyo bwo korohereza ishoramari n’ubuyobozi bushikamye, u Rwanda ruri kuba kimwe mu bihugu by’icyitegererezo muri Afurika mu buryo butandukanye. Turikiya yagiye itanga umusanzu wayo mu bijyanye no kubaka ibikorwaremezo ndetse n’ubumenyi mu Rwanda.”

Mu ntangiriro z’iki cyumweru Minisitiri Biruta na mugenzi we wa Turikiya, bashyize umukono ku masezerano azateza imbere ubufatanye bw’ibihugu byombi mu bijyanye n’uburezi, inganda na siporo.

Umubano w’ibihugu byombi watangiye kurushaho kuba mwiza mu 2013 ubwo u Rwanda rwafunguraga Ambasade muri Turikiya mu mwaka wakurikiyeho wa 2014 iki gihugu nacyo kikayifungura i Kigali.

Minisitiri w'Ububanyi n'Amahanga w'u Rwanda, Dr Vincent Biruta yagiranye ibiganiro n’Abanyarwanda baba muri Turikiya
Nyuma y'ibi biganiro abari babyitabiriye bafatanye ifoto y'urwibutso na Minisitiri Dr Vincent Biruta

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .