00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda batuye muri Salt Lake City batoye abayobozi babo bashya

Yanditswe na IGIHE
Kuya 16 Ugushyingo 2021 saa 07:03
Yasuwe :
0 0

Abanyarwanda batuye muri Leta ya Utah, mu Mujyi wa Salt Lake City muri Leta Zunze Ubumwe za Amerika, batoye abayobozi babahagarariye muri manda izamara imyaka ibiri.

Iki gikorwa cyahuje aba Banyarwanda bibumbiye mu muryango wa “Rwandan Community Abroad-RCA-Utah” cyabaye ku wa Gatandatu, takiri ya 13 Ugushyingo 2021.

Inzego z’ubuyobozi batoye ni izizabafasha guteza imbere umuryango wabo haba muri Amerika aho batuye no guteza imbere igihugu cyababyaye.

Uwatorewe kuba Perezida w’uyu muryango ni Kamali Jean Claude wari usanzwe awuyobora muri manda yari icyuye igihe, akaba azungirizwa na Kabano Charles.

Nyuma yo gutorwa, Kamali yashishikarije Abanyarwanda gukomeza ubufatanye no gushyigikirana bashaka icyabateza imbere, abasaba kwirinda icyabatandukanya nk’Abanyarwanda batuye mu mahanga mu gihe kandi yabibukije ko bagomba kurangwa n’ubumwe.

Abandi batowe ni Rusanganwa Marie Claire wabaye Umunyamabanga na Uwamahoro Noël wabaye Umubitsi.

Izindi nzego zatowe zirimo uhagarariye ubukangurambaga n’imibanire n’izindi nzego, uhagarariye abategarugori, uhagarariye umuco n’imibereho myiza, uhagarariye urubyiruko n’uhagarariye ubumenyi n’ikoranabuhanga.

Buri wese wafashe ijambo, yagiye agaruka ku guhuza urubyiruko cyane cyane rukigishwa umuco nyarwanda n’indangagaciro na kirazira, bityo nk’abatuye mu mahanga ntibibagirwe umuco w’igihugu cyababyaye.

Uhagarariye abagore muri iyi komite yagarutse ku gushyiraho akagoroba k’ababyeyi mu rwego rwo guteza imbere umuryango muri rusange.

Abanyarwanda batuye muri Salt Lake City batoye abayobozi babo bashya
Amatora y'Abanyarwanda babarizwa mu muryango “Rwandan Community Abroad-RCA-Utah” yabaye ku wa Gatandatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .