Kwamamaza

U Buholandi: Abanyarwanda berekanye amahirwe ari mu gukorera ubucuruzi mu Rwanda

Yanditswe kuya 6-09-2016 saa 08:58' na Karirima A. Ngarambe


Ambasade y’u Rwanda mu Buholandi yitabiriye iserukiramuco rihuza za Ambasade ryitwa Embassy Festival, imurika bimwe mu bicuruzwa bikomoka imbere mu gihugu ndetse n’ibikoresho gakondo by’umuco nyarwanda, inagaragariza amahanga amahirwe ahishe mu gushora imari no gukorera ubucuruzi mu Rwanda.

Iri serukiramuco ryabereye i Hague mu Buholandi tariki ya 3 Nzeli 2016, u Rwanda rwaryitabiriye mu rwego rwo gukomeza kumenyekanisha ibyiza byarwo aho rwamuritse ibicuruzwa n’ibindi bikoresho by’ubugeni bitandukanye byakunzwe cyane n’abitabiriye iri serukiramuco.

Umwihariko w’Abanyarwanda aho berekaniraga ibicuruzwa byabo(stand), hari Abaholandi bacururiza ikawa y’u Rwanda [Boon Koffie] mu Mujyi wa Hague.

Iri murikagurisha rihuza Ambasade zitandukanye, ku nshuro yaryo ya kane ryitabiriwe n’iya Armenia, Australia, Azerbaijan, Bangladesh, Bolivia, u Bushinwa, Colombia, Costa Rica, Curaçao, Chypre, Repubulika ya Czech , Repubulika y’Abadominika, Misiri, u Bufaransa, Georgia, Guatemala, Haiti, Hongrie, u Buhinde, Indonesia, Ireland, Kazakhstan, Kenya, Malaysia, Mexico, Nepal, Panama, Peru, Ukraine, Palestinian Mission, Philippines, Pologne, Russia, Saudi Arabia, Slovakia, Slovenia, Sudani, Thailand, Turikiya, Leta Zunze Ubumwe za Amerika, Vietnam na Afurika y’Epfo.

Abashyitsi muri iri serukiramuco babashije kwitegereza umwihariko ibihugu bigiye bifite, harimo ibikorwa by’ubugeni, ibiribwa n’ibinyobwa by’umwimerere bakora.

Abaryitabiriye basusurukijwe by’umwihariko n’Itorero Inganzo ry’abanyarwanda baba mu Buholandi.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved